男團LOONG 9拍手簽名會延期至6.9舉行 網民：我關心又取消

男團LOONG 9於TVB選秀節目《亞洲超星團》正式出道，成員包括奧利、李權哲、冼靖峰、江信熹、梁詩煜、白子奕、文佐匡、黃奕斌及陳梁；成軍不足一個月後再加入張鎬濂、郭殿甲及陳鑫昊，共12位成員，同時聘請趙天翼為「LOONG9兒童藝術教育公益大使」。早於4月底，Loong 9本身宣告全員出席銅鑼灣舉行嘅首個簽名拍手會，活動海報及入場費細節等亦已宣布，不過活動舉行前一日無預警地宣布見面會因為「不可抗力」理由 將延期舉行，就連成員黃奕斌和冼靖峰接受媒體訪問時亦表示對詳細原因唔係好清楚。昨日（28日）主辦方宣布「拍手簽名會」最新消息，指活動將定於6月9日舉行，需要購買520元人民幣或580元港幣門票入場。

唔少網民都喺主辦方帖文下留言表示期待，當中比較多人支持江信熹、郭殿甲、梁詩煜，以及香港代表冼靖峰和黃奕斌：「期待，今次要順順利利見面殿甲」、「支持L9。六月九號見啦」、「終於都來啦」、「等到頸都長」、「終於等齊12個，期待，加油 !」等等。不過，都有網民擔心會唔會好似上次咁取消，表示希望主辦方早啲通知：「希望主辦單位早點宣布又藉不抗力理由改期！好多Archie粉絲從內地及北美返港支持妙音龍子、<當紅炸子雞> Archie Sin冼靖峰」、「為咗佢消費，會唔會取消㗎？取消有冇得退貨？」、「我關心又取消，幫佢哋問定先」等等，又有粉絲直言真Fans係會明白嘅，會一直支持佢地。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！