疑信教後行為有變 網友擔心林二汶「誤入歧途」

疑信教後行為有變 網友擔心林二汶「誤入歧途」
疑信教後行為有變 網友擔心林二汶「誤入歧途」

曾經係ViuTV《全民造星3》導師嘅林二汶,去年現身TVB台慶被樂迷批評「食兩家茶禮」,當時佢以「海納百川」回應,認為唔應該墨守成規。今年二汶同TVB更加「關係密切」,更因為出任《聲夢傳奇2》嘅導師,而辭去主持多年嘅Viu清談節目《又要威又要戴頭盔》。早前二汶趁回歸紀念日推出國樂風嘅新歌《中華頌》,令唔少人嘩然,更有多年fans出7千字長文鬧爆偶像。

Fans長文當中,提到近年信奉道教嘅二汶,懷疑因為跟隨一位師傅而變質,並希望二汶可以遠離對方。的確,二汶首次紅館個唱上,曾經感謝師傅同教友,令佢慢慢走過谷底,個唱尾聲時二汶更請一眾教友上台唱《最後的信仰》為演唱會作結,令歌迷大感疑惑。

疑信教後行為有變 網友擔心林二汶「誤入歧途」
疑信教後行為有變 網友擔心林二汶「誤入歧途」
疑信教後行為有變 網友擔心林二汶「誤入歧途」
疑信教後行為有變 網友擔心林二汶「誤入歧途」

「Fans信」公開後,有網友搵到唔少二汶師傅嘅照片,認為師傅飲酒食肉,又去K房食雪茄,仲會喺社交專頁post名牌手袋同名錶,行徑同修行之人嘅形象唔太匹配。

疑信教後行為有變 網友擔心林二汶「誤入歧途」
疑信教後行為有變 網友擔心林二汶「誤入歧途」

而師傅喺台灣疑似曾創立「財神殿」,喺香港亦成立「玄武財神殿」,供奉被視為「武財神」嘅「金龍如意玄壇大帝」。「玄武財神殿」亦有舉行義工活動,據網友報料,二汶2019年起參與財神殿義工活動,亦會同教友及師傅唱K。

疑信教後行為有變 網友擔心林二汶「誤入歧途」
疑信教後行為有變 網友擔心林二汶「誤入歧途」

由於近年二汶作風與過去截然不同,網友擔心佢「行差踏錯」,又希望發掘二汶嘅黃耀明、二汶嘅哥哥林一峰了解一下。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!