【疫情下的人】視拳館為家 無力交租被逼遷 泰拳教練覓新館盼重新出發

【疫情下的人】疫情重創健身及體育行業，泰拳教練穆嘉康的拳館多次被逼停業，唯有轉行炒散：外賣、裝修、搬運等散工，他統統做過，只為了撐起他一直視之為家的拳館。無奈疫情反覆，他無法準時交租，經營了八年的拳館終被業主停租，要另覓新館。儘管兩年來挫折重重、八年心血付諸東流，但他未輕言放棄。在拳館一同揮灑汗水的學生，是穆嘉康唯一堅持下去的理由。

文字記者：謝馨怡

攝影記者：H. H.

穆嘉康在九龍灣開設拳館8年，疫情爆發以來，他已數不清拳館停業多久。每次停業，他都無法準時交租，「收唔到學費，政府資助又唔夠，唯有每次開返館再逐啲畀返業主」。業主起初體諒其困難，至去年12月終書面通知他不會續租，要求3月底前交吉，「都停咗咁多次，佢再幫唔到我幾多，都明白嘅。」

收到壞消息不久，政府1月再勒令關閉體育場所，穆嘉康唯有善用閉館的時間搬舖，「一定唔捨得舊舖，係我成長嘅地方，好有感情，但都冇辦法。」為了省錢，他親自處理大部分裝修，又與六、七個學生螞蟻搬家，來回十多趟運送大大小小的傢俬、沙包和啞鈴。

對於今次閉館三個多月，穆嘉康已感麻木，「政府已經黐咗線，（閉館）對我嚟講好大件事，但對佢好小事，不過最近一次我已經冇好大感覺，只係無奈。」

家人冷言冷語 炒散開戶外班維持生計

回到2020年4月，政府首次因疫情勒令關閉體育處所，穆嘉康隨即轉陣到公園、停車場開戶外班，但成效不彰，「得對拳套，咩器材都冇，冇得打沙包，只能做好簡單嘅拳打腳踢。」即使學生分為兩人一組並保持一定距離，都被街坊報警投訴要求離開，「警察算好聲好氣同我哋講，都知我哋困難，但收到投訴都會勸喻。」

單靠戶外班始終難以維持生計，穆嘉康曾兼任外賣員，但薪金極不穩定，有時日薪僅200元。後來經學生及朋友介紹，做過裝修、髹油、搬運、打拆等，又做過通宵便利店店員，也只夠負擔部分租金。

「咁辛苦做呢啲，又唔係搵到錢」、「間拳館搵咁少錢做來做咩。」穆嘉康的攣生哥哥經營另一間拳館，近來亦靠炒散糊口，同住退休家人的冷言冷語，兩人固然逃不開。穆嘉康自言不懂表達自己，「唔開心都係匿埋，自己柄埋一邊。」家庭未能成為避風港，有家人更斥他咎由自取，「所以我都唔會主動傾訴，因為佢哋唔會明白。」

直至第三、四次閉館，他萌生放棄拳館的念頭， 「本身做呢行都唔係為搵錢，只係為興趣，成年開得幾個月，開嚟做咩？」但他思前想後，始終捨不得經營八載的拳館和一群學生。

「學生係唯一令我想繼續做落去嘅原因」

32歲的穆嘉康與泰拳結緣半生，16歲接觸泰拳，23歲擔任全職教練，不久師父就鼓勵他經營新拳館。當初由零開始，只能靠用心教授留住學生。他最高峰時有二、三十名學生，擠在面積僅僅700呎的舊館揮灑汗水。

跟穆嘉康學拳4年的阿昕上月獲認許為律師，邀請了穆和拳館的朋友到法院見證。她形容穆與學生亦師亦友，「個個失戀、有唔如意事，就會坐喺側邊同師父(穆)傾計」。阿昕和數名學生不忍師父的心血付諸流水，早前每人籌集數千元，助他渡過難關。學生的心意，穆銘記於心，很清楚他們參加戶外班只為表達支持，「落雨濕濕又多蚊，又唔係好練到，佢哋都照上，都知道佢哋支持我先嚟。」

第五波疫情尚未穩定，穆嘉康只盼體育場所如期在4月21日重開，也是他在新拳館重新出發的日子，「頂得幾耐得幾耐，有學生頂住我，班學生係唯一令我想繼續做落去嘅原因。」