【疫情下的人】移民潮堂食禁令夾擊 尖沙咀變死寂 小店老闆：獨力難支

【疫情下的人】尖沙咀寶勒巷和赫德道從前夜夜笙歌，經過疫情浪接浪的洗禮，繁華街道變得死寂，「唔知隔離舖開酒吧個埃及人而家仲喺唔喺香港呢？已經好耐無見過佢。」在赫德道開設西餐廳的黃先生的鄰里店舖大多停業，兩年來經歷合夥人移民、堂食禁令持續，進退兩難，苦苦掙扎。雖然四月底有望恢復晚市，但他坦言心累，不知能否撐過去，正考慮找人頂手，「有人嚟問，我就會傾」。

文字記者：周詠雯

攝影記者：Davies

「強大先可以撐過去」

記者踏入Untitled Cafe & Bar，餐廳正播著鄭融的《多喝水》。小店僅放得下三張四人檯、一張二人檯、還有數個「吧檯位」。歌曲播到「強大先可以撐過去」，此刻餐廳食客「清零」。

小店由四位九十後經營，目標客戶是「飲酒之前食個晚飯先」的食客。黃先生慨嘆，鄰近的酒吧更慘烈，被逼停業的時間更長；鄰里長期「落閘」，昔日的餐廳門口掛上地產代理招租牌，「飲酒之前食個晚飯」的客人自然沒有出現。

去年中後期，餐廳多了一群「移民farewell客」，黃先生目睹不少三五知己在飯桌上告別，「仲見過唔少人嚟到再開Zoom，同朋友『見面』」。移民潮帶走食客，也帶走黃先生的兩名合夥人，另一合夥人則忙於正職，黃嘆氣，「我都真係獨力難支」。不過他理解合夥人離港的決定，「我都知其實佢係好唔捨得，有得揀邊個想離開？」

黃先生與合夥人2020年「趁後生試吓」，頂下餐廳，找到本地手工意粉品牌合作。舖位是上一手西餐廳細舖搬大舖後騰出，讓他與一眾合夥人心存幻想，「例如可以開吓分店咁啦！」他們還想過在舖內騰出小角落供人寄賣小手作、明信片、貼紙，「鍾意拎嘢嚟派都得，我哋想同客人有啲連結」。

帖文指生意額僅50元 網民聲援 小店排長龍

當時黃先生與很多香港人一樣，萬萬估不到疫情會持續到2022年。訪問期間，他常把一句話掛在口邊：「其實唔只我，我諗對其他小店嚟講都係面對緊呢個處境」。開分店的幻想泡泡被戳破，還迎來每日僅得50元的生意額，更遑論收支平衡。每天數十至數百元收入的日子，佔上了半個月。不少餐廳在疫市縮減人手，即使世道艱難，黃也不願減少年輕職員的兼職工時，內心常在放棄與「頂硬上」之間徘徊，「諗住放咗間舖，點知原來競爭都好大」。他今年一月於facebook專頁吐苦水：「原本唔想賣慘，畢竟做生意有賺有蝕，但係今日真係好想同大家報告下今日營業額，係一杯咖啡嘅價錢，50蚊連手足一個鐘人工都畀唔起」。

該則50元帖文震撼網民，2000多人「畀心心」、讚好，小店外突然大排長龍，黃先生相當感動，「我都冇諗過咁痴線，真係估唔到……原來喺呢啲時刻，大家都仲係咁支持小店」。本以為可谷底翻身，豈料這次「應援潮」到農曆新年後又再因疫情而中斷，「條街連返工嘅人都無埋」，生意額又跌回每日數百元，「如果大家可以分散啲拉長啲去支持、日常都支持就好喇！」他又不忘呼籲市民支持其他小店，「大家都慘，我都相信唔係得我哋慘」。

餐廳從防疫基金獲取約15萬元資助，僅夠付兩個半月租金，「但仲有人工、燈油火蠟等等開支」。黃先生午夜夢迴，思緒萬千，「都真係會唔開心，投放好多心機落去，但好似無乜回報」，非戰之罪，卻無力扭轉劣勢。政府早前公佈食肆晚市有望在四月底重開，但黃指現時每日確診數字高企，無從估計四月情況，「開咗晚市唔代表啲人會返出嚟」，他亦擔心屆時堂食門檻若再提高，或進一步打擊食客堂食意欲。至於一萬元消費券，他估計市民「用淨幾百蚊尾數先拎嚟食飯」，估計受惠不多。「強大先可以撐過去」，即使心靈足夠強大，但是否能夠真正撐過去，對黃先生而言，還是未知之數。