疫情打亂計劃錯有錯著 ViuTV阿妹岑樂怡變環保KOL

·2 分鐘文章
疫情打亂計劃錯有錯著 ViuTV阿妹岑樂怡變環保KOL
疫情打亂計劃錯有錯著 ViuTV阿妹岑樂怡變環保KOL

舊年唔少人嘅生活都因為一場疫症而出現改變,對藝人嚟講就更加明顯,冇show開冇工開冇得北上,唔轉型唔掂。ViuTV藝人阿妹(岑樂怡)正正係其中一個,不過唔係為咗搵食咁簡單。

入行7年嘅阿妹喺Viu做主持為主,舊年喺鄭中基主演嘅劇集《暖男爸爸》飾演幼稚園老師Carmen令觀眾刮目相看。阿妹本來有旅遊節目要拍,又計劃好去美國讀書,因為疫情全盤計劃唔同晒!

疫情打亂計劃錯有錯著 ViuTV阿妹岑樂怡變環保KOL
疫情打亂計劃錯有錯著 ViuTV阿妹岑樂怡變環保KOL

舊年年頭阿妹喺尼泊爾拍緊旅遊節目,由於新冠疫情全球大流行,尼泊爾政府宣布鎖國,阿妹同攝製隊趕得切喺限期前返香港,佢仲自行訂酒店自我隔離14日。「閉關」期間,阿妹睇咗本關於環保嘅書,啟發佢拍片做Youtuber嘅念頭。

阿妹喺Youtube開頻道「岑樂怡和你Green」,一手一腳搞掂搵料寫稿拍片剪接,題材多數係分享環保生活方式,例如減少使用塑膠等嘅小貼士。本來佢都擔心呢個話題會冇人睇,但係又覺得「走塑」並非想像中難,既然冇人講解就不如自己嚟。開台一年半,而家有近5千訂閱,成績算係唔錯。阿妹亦會睇留言同網友交流,從中搵到新題材。阿妹又會寫專欄,以及同多個環保團體合作,以唔同渠道推廣環保資訊。

疫情打亂計劃錯有錯著 ViuTV阿妹岑樂怡變環保KOL
疫情打亂計劃錯有錯著 ViuTV阿妹岑樂怡變環保KOL

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能