瘋傳疑用$130買粉絲為《法證先鋒5》宣傳活動造勢 TVB外事部回應事件

TVB疑買粉絲
TVB疑買粉絲

由黃宗澤、蔡潔、蔡思貝、袁偉豪、王敏奕及洪永城等人主演嘅TVB台慶劇《法證先鋒V》正在熱播中,日前劇中一班演員前往商場為劇集進行宣傳活動。不過近日就有網民喺討論區上載一張疑似《法證先鋒V》宣傳活動招聘文,懷疑TVB招聘買粉絲。

近日有網民喺討論區以「邊個咁慘要買Fans」為題出PO,並附上一張招聘文嘅圖片,內文寫著「Freelance Job」、「內容:舉牌,俾反應,支持演出者」及「要求:不遲到,早退 」,並有$130蚊作為報酬,而工作嘅日期、時間及地點就係11月26日喺鑽石山荷里活一樓明星廣場。

有網民根據日期、時間及地點就發現疑似係《法證先鋒V》嘅宣傳活動,其後再由網民睇到王敏奕嘅IG Story,《法證先鋒V》嘅宣傳活動日期、時間及地點正正同招聘文內容不謀而合,令唔少人懷疑劇集疑似買粉絲助興。

有傳媒向TVB查詢,TVB外事部回應:「近日互聯網上流傳本台以『買粉絲』手法進行節目宣傳,現本台重申,無綫電視舉行之一切宣傳活動從未有、亦毋須以謠傳中的方式造勢,此等行為並非本台的宣傳方式。本台別無補充。」

網絡圖片
網絡圖片
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照
《法證先鋒V》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!