直播靈接觸｜台灣第一代女團成員Joyce大爆有女星拜錯小鬼求紅 兩年前銷聲匿跡

TVB Plus（82台）互動靈異資訊綜藝直播節目《直播靈接觸》自播出以來反應熱烈。前晚（27日）播出一集，節目組邀請到香港地母殿廟祝英姐和居港台灣人、台灣第一代女團成員黃芝蓉（Joyce）擔任嘉賓，分享供奉陰神之事，Joyce描述親身經歷以及大爆有台灣女星因做錯一件事而於兩年前銷聲匿跡娛樂圈。

主持人梁思浩再三強調邀請英姐上節目非常唔容易，英姐喺節目分享廟宇透過參問地母娘娘聖意接收嬰靈過程、嬰靈可愛及頑皮日常，以及信眾點樣透過茹素、供奉及積功德等行為與嬰靈修復關係等等。至於，Joyce直言自己有靈異體質，自小會發生好多事，除咗分享親身與好友齊齊求彩票號兼撞邪嘅經驗，又指曾經有人提議佢到當地著名嘅狐仙廟拜狐仙，但因其靈異體質唔適合，最後都無入去；不過，佢就透露好多台灣女星為求增添自身仙氣，會選擇拜狐仙，當中包括跳唱天后。

梁思浩又再逼供Joyce，希望佢爆出更多台灣演藝圈嘅秘聞。Joyce爆料指，曾有一名台灣女星拜錯咗小鬼又做錯一件事已經唔喺娛樂圈：「其實好多時佛牌入面未必真係神，可能係小鬼。曾經有個女明星佢拜錯咗（小鬼），變成每日要用血去養佢哋。結果佢真係紅咗一段時間。但兩年前佢爆咗件好大單嘅事，依家已經唔喺個圈入面喇，就係佢唔記得用血養佢哋。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！