【福袋2021】日本5個必搶食品系福袋 線上抽選/預購日程/福袋內容一覽

每年1月1日，日本不少品牌或商場都會推出福袋，有人不惜連夜排隊，為的就是搶到心儀福袋。今年疫情關係，為避人流聚集，不少部份品牌轉為線上訂購，而不少更早於11月或12月開始接受抽選。雖然今年港人無得飛日本，但也可以上網訂再集運返港，又或索性請代購代勞。點都好，今次先精選5個食品系福袋，大家必須睇準時間出擊啦！

Starbucks

Starbucks福袋每年都成為必搶Item之一，今年因為疫情關係，只採用網上抽選方式販賣，由即日起至11月26日23點59分前，可於日本Starbucks官網填寫資料即可參加抽選，抽選者必須是My Starbucks會員。福袋7500円(約HKD$555)，內有布袋、福袋限定杯/樽、飲品券、咖啡豆優惠券等，每袋的產品數量及價格總值都各有不同，睇大家彩數！

網址: 按這裡

LUPICIA

鐘意飲茶的朋友，對LUPICIA這個品牌應該不會陌生。品牌由即日起已開始接受福袋預約，最快12月22日開始發貨。

福袋共有3類，有松10,800円(HKD$800)、竹5,400円(HKD$400)、梅3,240円(HKD$240)，當中竹或梅均有不同口味可供選擇，合共有18款選擇。除了選擇豐富，另一賣點係價錢，每袋產品的總值都係福袋價的一倍左右，以最平的梅為例，內裡的產品價值6,480円，再加送一款自選限定品，相當抵買。

網址: 按這裡

Doutor

另一咖啡品牌Doutor的福袋一樣很受日本人歡迎。福袋主要分為掛耳包或咖啡豆兩類。掛耳包福袋共有3種，價錢分別為2,100円(30包) 、 3,800円(60包)、5,400円(90包)，當中有期間限定的Dominican Blend。至於咖啡豆福袋有4種，由1,800円-5,800円不等，內有不同款式的咖啡豆、咖啡折扣券、40周年咖啡罐或杯等，有興趣的話需要在官網下載申請書，填妥拎去各分店預約，在港的大家就要靠在日朋友或代購了！

網址: 按這裡

Lindt

Lindt由即日起至12月15日23時59分推出抽選預約販賣，可透過官網的QR Code將Lindt加入成為LINE好友，再填寫相關資料，即完成抽選預約，當選者將於12月24日10am在LINE收到通知，並到指定分店取貨。落選者亦可於1月1日10am到官網又或1月4日到各分店購買。

今年Lindt福袋共有4款，包括為3,000円(HKD$222)、5,000円(HKD$370)、10,000円(HKD$740)、20,000円(HKD$1,480)，但產品內容則沒有詳細說明。

網址: 按這裡

久世福商店

日本食品雜貨店「久世福商店」今年推出5款福袋，於12月1日開賣。5款福袋由3,000円(HKD$222)-10,000円(HKD$740)不等，以最貴的10,000円福袋為例，限量100個，內裡足有11樣產品，包括三支750ml餐酒、意粉、意粉醬、萬用湯包等，比原價平足2,453円。大家可於其官網睇埋其他福袋內容，有興趣就記得捕實啦！

網址: 按這裡