【移民日本】租屋要送禮俾業主?港女488萬購千呎地起Dream House
想移民但又想近香港?台灣以外,日本或者會是不少港人的選擇。不過原來Karen當初不是專登走去日本,而是想去讀一個半年日文課程,結果一留再留到現在更加成功在當地買地置業。
留學變留居
Karen以前在香港的雜誌社任職撰稿員負責編寫廣告內容,「當時做左4、5年,雖然覺得工作係開心,但時間太長同好辛苦,加上覺得紙媒行業式微,所以當時想學下其他野先。」一個念頭的轉變就改變了Karen之後的生活。
2015年10月Karen去到日本京都學日文,「以前係香港有上過日文興趣班,已經有一定基礎,所以只係學左半年之後已經考到日本語能力試驗N1 (最高級) 。之後想繼續玩,所以又繼續學多1年,結果係語言學校識左宜家既台灣老公。」
兩人因為都打算留在日本工作而開始找工,最後Karen 在一間京都賣現代和服店SOU・SOU任職Sales,3年後轉去負責香港和台灣市場營銷的部門,亦因此獲得工作簽證。
租屋不如買地起屋
現時居住在大阪的Karen,5年間都是租屋生活。2人住約500呎單位,月租約90,000 Yen (約HK$ 6700),後來發現外國人租屋有較多限制,而且每次搬屋都要支付訂金和送禮金給屋主,以多謝業主租出物業,金額由十萬至二十萬Yen不等。計算過約四千五萬日圓(約HK$338萬)的棟屋或公寓,月供費用和買屋的價錢相差不太遠,加上日本借貸利息較低,所以二人開始有置業念頭。「日本的生活指數雖然貴過香港,但相對住屋較容易負擔。宜家人工仲比當時係香港做傳媒搵得少,但計過供樓後可能都係佔人工1/3,所以決定買樓。」
首次置業好多人都會選擇買現貨樓,但Karen就決定由零開始買地建屋。「睇過好幾間現貨樓,但唔係好符合自己心目中既設計。加上用料方面,日本單棟屋分木同鐵屋,但好多都以木造為主。因為我經歷過2年前既大阪地震,當時在浴室內準備返工,所以先可以避免被上面跌落黎既野打中。但附近好多舊屋同舊廟都震散晒,所以先會想起穩陣啲既屋。因為擔心買屋時唔清楚用料,寧願付出多點錢選擇自己心水設計。」
相較買現貨樓,Karen的選擇流程會較複雜,但房屋設計彈性較大。「買地之前,要先決定預算和地段,要留意地同屋的價格係分開計算,所以要計清楚預算。一般而言,在大阪花約2-3千萬日圓,都可以買到1000呎面積既地。」過程中可以向建築公司提出要求,以便他們更容易幫你設計屬於你的Dream House。
置業前留意規限
買地建屋時最大困難是選址和面積大小,因為買地時有好多規限,可能只可以建總面積的某個百分比,又或者限制樓層數量。不同區域都有不同限制,所以買地時候要睇清楚。另外日本有道路闊道限制,例如屋與屋之間的馬路距離必須有4米闊,否則就需要在自己屋內起入少少,變相限制地方。」
二人在眾多地產公司中,最終選擇Hebel Haus。「雖然基本的計劃都比其他公司貴,但好多日本人對這間公司的設計都有好高評價,所以比較過後寧願畀貴少少,期間有關土地、房屋內外設計都是通過同agent溝通設計。」而且在配套上的煩惱都相對較少,因為Karen有同事選擇較細型的公司,但在家居用品上需要自己四出跑不同的地方搜羅,相比之下大公司配套較齊。「無論浴室品牌、地板、牆紙都有好多選擇,又可以加錢追加心水廚房設備,全部可以係示範單位睇實物,唔駛走來走去,仲有設計師整做3D 圖參考,可以節省更多時間。」
二人最終決定選擇位於京都和大阪之間的高槻市置業,土地面積約1000呎、屋內上下兩層合共1200呎,包括車位。但過程中並不完全順利。「買地時候,Agent有提過個地質要改良,費用約100-120萬日圓(約HK$75,000-90,000)。最後檢查後發現地質特別軟,所以要再額外加錢,雖然都有唔開心,但又唔覺得係專登呃我地。最終我地商量過覺得六千幾萬(約HK$488萬)既預算都負擔得到,所以都無特別去同佢地講價。」
在日本睇樓特別在於盛行送禮行為,「睇樓既時候建築商都有送過現金劵、雪糕劵、圖書劵,吸引大家去睇樓。而且當時係疫情時期,睇樓人數減少,所以會比平時送得更多。Hebel Haus 在簽約之後,專登送部ipad方便係疫情之下都可以同設計師開會。」
動土儀式
完成簽約後,建築商會在該土地進行地鎮祭的動土儀式。「儀式類似中國人入伙前拜四角,祈求保佑動工、工人、即將入住的人平安。11月中開始動土,預計明年4月中可以完成收屋,全個過程花近1年時間。」
港日兩地相近的生活習慣,讓Karen在當地生活5年都不覺得有移民感覺。「在日本雖然人工較少,但相對工作壓力都無咁大,而且生活質素高左。不過因為香港人係當地優勢唔算大,真正需要用到英文既機會又比較少,可能需要搵外資公司的出路較大。對比其他移民國家選擇黎講,日本勝在近香港,比較容易適應。」
Youtube:カラン的日本生活https://bit.ly/3aSquzx