笑拍檔Jer「好虛偽」 Anson Lo冧女破底線 任曱甴爬上身

Anson Lo(左)與Jer各自創立個人服裝品牌吸金。
Anson Lo(左)與Jer各自創立個人服裝品牌吸金。

男團MIRROR成員Anson Lo為演出新劇《百萬同居計劃》既要挑戰自己的衞生底線,又要被水曱甴爬上身,認真大犧牲!創立個人服裝品牌的他投資了7位數字,「教主服」下月將推出。

Anson Lo主演的ViuTV新劇《百萬同居計劃》以《大叔的愛》為班底,今次演繹隨性草根角色,由外到內也與「教主」相反。為角色除了要操大隻騷肌配合劇中體力勞動工作,更要突破自己衞生底線,他說:「入面好多我覺得好污糟嘅嘢,好似搬貨、整車、塞隻手入油缸、沖涼去水位塞咗要用手去攞番堆頭髮出嚟,如果係自己會用好多張紙巾包住先攞起,要突破自己衞生關口真係好難!」愛乾淨的他笑指最初拍一次消毒一次,但後來發覺也消毒不了那麼多,惟有拍完再徹底消毒。

教主除了要忍受污糟邋遢,還要忍受水曱甴爬上身,認真大犧牲:「有場戲喺石澗同Asha(徐㴓喬)浪漫對望,但係石澗好多水曱甴,不停有水曱甴躝過大髀,拍緊嘢又要忍住啲曱甴喺衫入面躝唔可以郁,對我嚟講好難頂,同啲曱甴一齊成個鐘,要咬實牙關先頂得住。」

新加入的Jer指角色表情多多,相當卡通,為人真誠有禮,但被Anson Lo取笑:「好虛偽囉!」Jer又自爆為避曱甴真跣低的鏡頭被拍下出街的瘀事,希望劇集的荒誕、浮誇令大家忘記煩惱。Anson Lo指劇中大家經常爆肚,最多要數黃德斌。Jer指他連演技也爆肚,有場戲突然暈低,大家也要執生發揮,笑言也有接不到的時候:「同德斌第一次合作,初頭見佢個樣咁惡又大隻,都有啲驚佢。」對於新劇少了「愛人」Edan,Anson Lo認為是不同劇集,不能與《大》相比,新劇也有不同火花。

創服裝品牌掟百萬做老闆

此外,MIRROR成員相繼創立個人服裝品牌,繼Jer之後輪到Anson Lo投資7位數做老闆成立服裝品牌,「教主服」明年一月將推出,他說:「好興奮,自己好鍾意Fashion,其實拍《男排女將》嘅時候都有構思過,但覺得工作量處理唔到,但等工作量少先做唔知到幾時,咁不如Make Time啦。品牌嘅衫係自己設計,係平時自己出街着嘅衫,好代表自己Fashion風格。」雖然他覺得今次投資很大,但也覺得值得。

Anson Lo與徐㴓喬在劇中有浪漫場面。
Anson Lo與徐㴓喬在劇中有浪漫場面。