管制即棄塑膠｜重用餐盒銷量增 街坊帶煲買意粉 裸買店倡源頭減廢｜Yahoo

【Yahoo 新聞報道】隨著管制即棄塑膠產品及垃圾徵費今年陸續實施，有裸買店反映，近期可重用餐盒的銷量上升。除了自攜餐盒買外賣，市民更可自備容器「裸買」，避免不必要包裝。裸買店有客人帶煲到店買意粉，「買完就拎返上屋企加水煮」，亦有客人買朱古力時用紙巾包起帶走，吃完就用同一張紙巾抹手。該店鼓勵市民從購物習慣入手，源頭減廢。

2018年創立的裸買品牌Slowood，概念源自紐西蘭一間零廢棄物社區商店，現時在香港有三間分店，提倡源頭減廢及減少浪費，並引入不少本地品牌。「裸買」就是購物時避免使用不必要的包裝，客人可自備容器盛載貨品，當中以食物及清潔用品如洗頭水等最為常見。

裸買如今並非新鮮事，但仍有不少港人未曾體驗，甚至認為裸買店只為環保份子而設，但Slowood中環街市分店經理Tania指出，開店是希望讓一般大眾也認識裸買概念，「我哋提供一個平台畀佢哋認識多啲……每個人去做一小部份，就等於一大部份」。據她觀察，港人普遍對裸買態度開放，見過不少客人店由好奇到支持，「第一次嚟無帶自己容器，拎（店內提供）紙袋裝，第二次佢哋已經會帶埋上一次用個紙袋，甚至喺屋企帶容器嚟。」

Tania曾在堅尼地城分店任職。該店附近是住宅區，客人包括本地及外國人，也有主婦和小孩，都是比較有環保意識。客人的裸買方式則是「估佢唔到」，「樓上好多住客，佢哋真係會帶自己嘅碗、甚至成個煲嚟裝意粉......我哋都好開心見到呢樣嘢」。她指最初見到客人帶煲光顧「覺得好搞笑」，該客人對她說：「我買完意粉上返去，就用呢個煲煮，好方便」，亦只買一餐的份量，「如果下一餐想食其他嘢，就唔使每一款都買晒放喺屋企又食唔晒」。她亦有遇過客人路過，想購買數粒散裝朱古力，「純粹口痕想食」，並無使用膠袋或紙袋，而是取出一張乾淨紙巾包起付費，「食完張紙巾仲可以用嚟抹手，好感謝大家肯去做呢件事」。

政府4月22日起禁止外賣使用發泡膠餐具、膠飲管、膠刀叉、膠匙、膠碟等物品，Tania建議購買外賣時自備餐盒或器皿。疫情期間她和同事試過帶有蓋碗碟到茶餐廳買外賣，「炒個粉麵或者買個湯麵，都可以直接拎碗拎碟返公司食」，避免使用即棄膠盒，「減少幾多得幾多」。回想當時自備容器買外賣，Tania指最初餐廳會考慮份量問題或「問吓老細先」，其後員工也習以為常，「好welcome呢件事，佢哋都會覺得，既然有人咁做，點解唔配合呢？餐廳到後期已經認得我哋啲餐具，話OK啦，知係你哋啦！」她希望更多餐廳歡迎外賣食客自備餐具。

Slowood近年推出自家品牌產品，當中包括便攜餐具套裝、可重用矽膠密封袋、玻璃飲管、矽膠摺疊水壺等。Tania指，這些產品當中，可重用矽膠密封袋頗受歡迎。拆開密封膠條後，矽膠袋可放入熱水、焗爐或微波爐翻熱食物。她的母親會使用大碼矽膠袋到街市買魚，回家將魚洗淨，使用梳打或檸檬酸清潔矽膠袋，再將魚放入袋，在雪櫃儲存。

Tania續指，或許疫情令市民更關注個人衞生，疫情期間售出不少便攜餐具套裝，而在政府公佈外賣禁膠新政策後，也多了客人購買食物盒。Slowood亦正進一步採購更多餐盒類產品，如可放入微波爐的不鏽鋼餐盒等。「關乎我哋嘅將來、我哋嘅後代，佢哋第時嘅居住環境」。Tania強調，可持續的產品關鍵是「美學」，希望物品可以長久使用，除了選料耐用之外，外表設計亦「耐看」，「啲嘢靚嘅就會想用耐啲，做到可持續」。她勉勵港人從生活習慣開始，源頭減廢，逐步減少使用即棄塑膠。