簡淑兒叫男友試吓求婚

簡淑兒(右)與趙慧珊扮靚靚出席婚嫁活動。
簡淑兒(右)與趙慧珊扮靚靚出席婚嫁活動。

藝人簡淑兒及趙慧珊昨日在西貢出席婚嫁活動,簡淑兒正跟麥大力蜜運中,問會否趁機取經?她笑說:「我睇咗10年喇!係差個新郎。(有冇傾過結婚問題?)冇,我唔鍾意計劃,覺得嗰刻發生嘅就會發生,佢講笑就有講嘅。(求婚會答應?)你叫佢求吓就知!我唔鍾意拍晒片大龍鳳求婚,簡單兩個人就得。(閃婚?)唔知㗎!好睇嗰刻,順其自然啦!唔會為結婚而結婚。」離巢無綫回復自由身的她,將為香港開電視到英國拍攝旅遊特輯,逗留5星期,是拍拖後首次與男友分開那麼久,男友可能會前往探班。

至於趙慧珊自爆生風瘌2、3個月,要靠薄荷膏止痕,醫生指可能還會持續一段時間,若要工作,惟有食抗敏感藥撐住,但會相當眼瞓。