素海霖凌晨突PO素顏照力證冇整容 網民讚勇氣可嘉兼有鄰家女孩feel

Erena素海霖(日名:絵麗奈)
Erena素海霖(日名:絵麗奈)

喺香港土生土長嘅KOL素海霖Erena (日名:繪麗奈),日前進軍日本AV界,成為首位來自香港嘅AV女優而備受網民熱捧,風頭一時無兩。26歲嘅佢喺鏡頭前總係化上濃妝,展現性感嫵媚嘅一面,估唔到今日(23日)凌晨突然喺社交網站上載一張全素顏照片,唔少網民大讚佢勇氣可嘉及好有鄰家女孩嘅感覺。

素海霖喺今日凌晨上載一張全素顏照片到IG,並留言話:「啱啱搵到一張相你幫我睇吓呢個女仔有冇整容 留言話比我知 #全素顏 #原相機」,結果引起網民哄動,紛紛留言大讚佢:「欣賞妳的坦誠! 女士是應該學懂化妝」、「開始覺得你幾型」、「睇落唔似有整容. 素顏都順眼,ok呀」、「素顏嚟講算靚! 同埋好pure」、「你真係好勇敢,全素顏都敢post上網,我係女人都中意你 加油」、「素顏仲順眼wo」、「你除咗有火辣嘅身材,天使嘅外表廕之外,你仲擁有獅子1樣嘅心臟」、「呢個係你黎?好靚wo! 好鄰家女孩feel」及「唔覺得有整容!」等等。不過亦有網民質疑佢有整容,留言話:「但而家個鼻真係唔太自然,窄咗好多同埋有少少插蘇鼻」、「整細左個鼻」及「個鼻好明顯」等等。

另外,劉穎匡女友Emilia(黃于喬)亦有留言回應話︰「掉轉睇,話你整容係一種讚美嚟」,之後就有網民回覆話:「我睇到嘅係 未整容前 唔整眉好地地依家越整越衰特別係個鼻」,而Emilia亦有回覆網民:「我睇到嘅係成班人掂都無掂過人地塊面,又唔係醫生,就假定人地整容,而且雞蛋裡面挑骨頭 呢個樣用一般審美嚟講點都係排名比較前,行出街靚過大部分人,無可能用「衰」嚟形容,亦係點解有片商賞識佢,偏偏香港人就係要搵嘢彈人,將心比己啦,無人完美呀。」,之後網民再話:「所以話 以前樣貌好睇好多」,Emilia再回覆:「師兄,你同我講嘅嘢係沒有「因為」「所以」嘅關係 乜嘢以前? 佢而家咪就係圖中咁嘅樣囉」。

呢位網民繼續窮追不捨回覆:「其實呢我認為 :連去日本拍av都有勇氣 整容咁小事洗咩呃人」及「點解會攞張唔係近照黎證明自己冇整 佢最近嘅髮色同頭髮長短都唔係咁 擺張未整前嘅相出黎 咁實冇整㗎 影嗰陣都未整」,結果就引到素海霖本尊親自回覆:「痴痴地 就算比啲人摸到我塊面都可以話我有整」。Emilia亦有回覆:「染髮+剪髮,就算電埋個髮,只需數小時 你提出呢個point係不足以證明呢張相一定係「好耐之前」影 我諗佢之所以會攞呢張相,係因為佢冇從會搵啲小事抽秤佢嘅人嘅角度諗 純粹見到呢張相素顏得來清晰,表情又好好睇睇自自然然,就放出嚟」。

Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)
Erena素海霖(日名:絵麗奈)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!