網上熱話｜冒險樂園擲彩虹 女童擲出「垂直藍獎」 計唔計中獎？

美國冒險樂園的擲彩虹遊戲一直廣受歡迎，去年更一度鬧出有顧客指遊戲的代幣大過綠色範圍，質疑永遠無法中獎，疑似詐騙報警求助，成為網上及傳媒關注熱話。周一(1日)一名女童則擲出「垂直藍獎」，代幣垂直置於藍色大獎範圍內，而且未有「壓線」，店方最終判定中獎。

該位女網民昨日在facebook群組「美國冒險樂園關注組」公開中獎照片，該分店位於屯門時代廣場，稱「歷史性的一幣在今日下午2時12分，由一位睇落幾歲的小女孩擲出」，形容她是「擲彩虹界天賦型選手」，代幣「90度角屹立不倒」。不少網民問「咁計唔計中？」，擔心職員「垂直唔計，打橫先計」、「一嘢掃走，擲界」，樓主回答「梗係中啦，無壓線，佢呢個就算上方垂直望都無壓」。

網民讚嘆難過中六合彩

不少網民讚嘆女孩技術厲害，「難過中六合彩」、「完美中獎，應該獎5倍」，「冒險樂園應該趁機營銷一下，送多啲嘢畀呢個妹妹」、「千次都未必有一次咁」、「神之一手?在場所有見證人今世就係為左見證依一擲」。亦有人稱「個機率係幾多」、「啱啱睇過條片，就咁掉垂直都要15個鐘先出到」，「我細仔都試過，仲要係撞到獎品架嘅玻璃再彈返落去」，亦有人擔心店方會想方法破解，「下次整斜張檯」。

原文刊登於 AM730 https://www.am730.com.hk/本地/網上熱話-冒險樂園擲彩虹-女童擲出-垂直藍獎-計唔計中獎-/441803?utm_source=yahoorss&utm_medium=referral