網民列三大原因徐若瑄完勝林明禎 唔止有樣有身材仲才華洋溢

現年32歲嘅「大馬女神」林明禎憑住性感及可愛形象，成功成為新一代性感女神，俘虜唔少fans，更有唔少廣告商同電影公司都搵佢演出，人氣一時無兩。近日有網民以「當年既徐若瑄，即係而家既林明禎」為題出PO而引起大家激烈討論，皆因林明禎同徐若瑄都係同時有天使面孔及魔鬼身材，再加上二人都曾經喺香港發展事業，各方面都非常相似而令人有所比較。

經過一輪比較之後，47歲嘅徐若瑄竟然完勝林明禎，網民綜合三大原因，首先有網民貼出徐若瑄早年寫真照片及電影相，網民一睇完即時大讚當徐若瑄五官精緻好多，例如「徐若瑄正好多」、「林明禎個樣咁普通你拎來同徐若瑄比」、「講正一定係徐若瑄，林明禎係甜囉﹗」、「雖然明禎BB係靚，不過徐若瑄一比上去就明顯正好多」及「當年嘅佢真係好正，鄰家女孩feel，反而林明禎就唔係下下都覺得靚，但對眼真係水汪汪，笑起黎都sweet嘅」等等。 第二個原因竟然係徐若瑄寫真集相，徐若瑄拍過寫真同三級片，但仍無損佢女神形象，本寫真仲要衝出港台紅到去日本，而林明禎未有徐若瑄當年之膽量。 而第三樣就係徐若瑄唔止樣靚身材正，佢仲好有才華，唔止幫自己作曲填詞，仲幫周杰倫填詞，包括《可愛女人》、《龍捲風》、《簡單愛》、《開不了口》等等，亦曾為梁詠琪、方大同及楊丞琳等歌手填詞。除此之外，佢仲有拍電影，做電影監製，所以就算徐若瑄年過40都會揀佢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！