練美娟分享性感泳衣照晒事業線獲激讚 入行後曾零收入兼職調酒師堅持追夢

練美娟
練美娟

現年32歲嘅練美娟(娟姐)加入ViuTV接近5年,喺主持及演戲方面都有涉獵,而且機會仲越嚟越多,好似早前播映完畢嘅《季前賽》及播映中嘅《繩角》都有佢嘅演出。率直性格嘅練美娟擁有肉感身形,一直忠於自已唔減肥,拒絕迎合大眾審美眼光。

日前練美娟喺社交網站上載泳衣照,性感大騷事業線,並溫馨留言天氣轉涼,叫大家着多件衫:「真真正抓緊太陽的尾巴,今晚開始轉涼,大家要着多件衫啦!」呢個PO除咗吸引大批網民留言讚佢索,例如「娟姐太正了」、「嘩~索爆」、「事業心好重喎」、「娟姐太美了」、「禾稈冚珍珠」、「娟姐世一」、「娟姐好好身材喎」、「娟姐原來平時收收埋埋」、「根本就係靚」及「So hot 娟姐」等等。同時亦吸引唔少圈中人留言,ERROR成員保錡更搞笑tag肥仔梁業嘅IG帳號,連友台嘅Bob林盛斌亦有留言:「咁猛料嘅咩原來!」

練美娟年幼時跟隨印尼華僑父母回流香港,五官精緻嘅佢喺讀書時係校花,仲被封為「自修室女神」。2017年練美娟以27歲之齡加入娛樂圈,雖然起步比好多人遲,不過佢就認為遲入行都有好處,因為佢之前做過唔同類型工作,所以有待人接物嘅經驗。

練美娟大癲大肺、豪邁爽直嘅形象深入民心,喺主持節目《Girls' Talk》後開始為人熟悉,當時佢一邊做主持一邊去尖沙咀酒吧兼職調酒師維持生計。之後,練美娟開始參與唔少綜藝節目及劇集拍攝,例如《金剛旅神團》、《造美人》、《大叔的愛》Carmen姐、《反起跑線聯盟》羅太、《季前賽》九姐及《繩角》三姑等等。

練美娟曾透露依家薪酬比以前少咗一截,亦試過半年零收入,不過確信每行都會有高有低,即使要面對租金、家中狗狗開支、家用等重擔,練美娟都決定為夢想而捱落去,搬入劏房減少開支,直言:「我在等一個機會。」,而佢亦曾指會以強尼作為目標,希望有機會唱埋歌,做一個全能藝人。

練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!