繩角|駱振偉擂台上被打死演技獲讚 Lokman自責打個頭網民勁心痛

《繩角》Thor駱振偉 & Lokman楊樂文
《繩角》Thor駱振偉 & Lokman楊樂文

由MIRROR成員AK江𤒹生、Lokman楊樂文、Alton王智德嘅ViuTV原創劇《繩角》正在熱播中,噚晚(29日)更上演播出以嚟嘅重頭戲,大師兄袁天就(駱振偉飾)喺擂台迎戰「亞洲拳王」井澤魂(Alton飾),可惜袁天就最後戰死擂台。駱振偉(Thor)喺劇中演技突出,網民們喺網上洗版留言大讚其演技及認為袁天就唔應該死,為咗平息網民嘅怒火,駱振偉喺社交網站出PO及留言安撫及多謝大家支持。

《繩角》噚晚嘅劇情就講到大師兄袁天就代替歐陽駿(江𤒹生飾)出戰「亞洲拳王」井澤魂,喺擂台上,袁天就及井澤魂互有攻守,可惜去到第四回合時袁天就被井澤魂打中兩邊太陽穴,導致口耳鼻滲出鮮血,冇幾耐更重傷倒地。喺神智不清嘅情況下,袁天就依然不斷揮拳,送往醫院後搶救無效身亡。呢一幕出街後,唔少網民除咗紛紛留言唔明白點解袁天就要死之外,亦留言表示對駱振偉演技另眼相看,及指佢成功演活大師兄,例如「呢套完全對牙科改觀」、「講真呢套戲最印象深刻嘅角色真係呀thor」、「唔捨得大師兄,心碎了」、「演技好好,加油」、「睇住大師兄咁死法,真係好心噏好心痛 今晚喊咗半集」、「我睇到喊咗呀比返袁天就我哋呀」、「Thor,你做得真係好好呀,無論係台上嘅狠,台下對住老婆嗰啲充滿愛同溫柔嘅眼神,對住魯堅嘅怨恨,全部都發揮得啱啱好」、「還我大師兄」、「你演得好好呀,演活了袁天就依家角色,好欣賞你為依個角色所下的功夫,加油」、「你演活了袁天就,今晚很多人為你而喊」及「Thor真係做得好好 成個角色好深刻,演活了!!第一次睇你做戲,真係好有驚喜!期間更多你嘅影視作品~」等等。而駱振偉亦有出PO及留言安撫及多謝大家支持。

大師兄戰死擂台後,一眾演員演技大爆發,當中以楊樂文最為突出,佢飾演嘅二師兄李承東除咗攬住嫲嫲(馮素波飾)喊之外,佢仲好自責咁喺餐廳瘋狂拍打自己個頭,真係睇到觀眾心都痛埋呀!唔少網民都留言話睇到跟住喊,例如「隊長做得好好呀 , 你喊到好虐心, 呢場戲我真係喊死喇」、「Man真係做得好好!做到內疚同心痛。」、「阿東自責搞到我跟住喊,好心噏」、「最後個幕演技大爆發,好激動 隊長你好勁呀 期待你往後更多嘅演出」、「演得咁好 喊死人咩隊長」、「隊長真係做得好好,做到嗰種錐心的痛 加油呀」「二師兄內疚戲做得好好,好虐心」及「做得好好呀lokman!! 今晚最尾一幕」等等。

《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖
《繩角》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!