繽FUN星網呈獻 群星拱照棟篤笑 阮兆祥撻唔着小惠 千古之謎

勇於創新的繽FUN星網將炮製首個線上收費棟篤笑Show，由梅小惠擔任製作總監，邀得「笑匠」阮兆祥打頭陣，一連兩個星期三舉行兩場《何濟公止痛退熱散特約：阮兆祥的Talk》，首場騷將於今日（24日）中午12時正式上架。圈中人緣甚佳的他，廣邀一眾好友出席，與祥仔合作無間的著名監製梅小青及丈夫劉家豪，則對妹妹梅小惠與老友祥仔擦不出愛火摸不着頭腦。

為無綫打造不少經典劇集的劉家豪與梅小青，跟祥仔多次合作，劉家豪難忘當年《溏心風暴》臨近開拍日子，主演之一的黎耀祥身體不適入院，祥仔不介意執二攤，聽完故事內容後即答允演出，並隨即開工，大讚祥仔轉數快，於角色內經常玩食字，即使搞Gag也很到位，後來更憑角色奪得「最佳男配角」。

羅敏莊笑到傷上加傷

甚疼錫妹妹小惠的梅小青，非常讚賞祥仔的細心：「有一段時間小惠好唔開心，我做家姐嘅都唔知，係祥仔一路陪住小惠，真係好多謝佢。（有冇諗過佢會做妹夫？）我都希望，曾經覺得冇理由唔係，但小惠就話唔係，但佢哋一齊好嘈，係最佳拍檔，人生有咁好知己係一大美事。」劉家豪亦說：「以為佢哋一齊會成為『密友』，點知係閨蜜。」

而羅敏莊（Mimi）則帶同祥仔契女陳禛捧場，滿口英文的陳禛，對於契爺於騷內大講港式英文，也忍不住取笑：「啲英文我明，但it doesn't make sense！」面對囡囡可愛評價，Mimi哭笑不得，笑指平時與祥仔飯敍講不停，如同開騷一樣：「當年生咗陳禛，傷口都未埋，佢嚟醫院探我已經講笑話，幾驚個傷口會爆。」

至於音樂人伍仲衡就表示與祥仔於兩年多前，於黎瑞恩介紹下認識，早前舉行音樂會也有邀請對方做嘉賓，由於二人均喜歡8、90年代廣東歌，故一拍即合，更指最欣賞祥仔轉數快：「佢係會令大家笑到彈唔到歌，真係笑到肚痛。」