美麗40路｜ 肥仔@ERROR被參實者大膽對話嚇親 Sophie曾甜詩甜言攻勢Dee大叫「啱聽」

化身做「速配中女社」社長的Scarlett和審核官的Vivian，請來温湯瑪士(Thomas)、ERROR成員肥仔、Dee，就連ERROR 經理人濟哥也粉墨登場，與6位參實者包括曾甜詩(Sophie)、吳寶儀(Polly)、翁貝怡(Florrie)、李泳芯(Nika)、朱筠雅(Katchupx)和曾凱霖(Belle)進行Speed dating。

當中自稱Foodboy，食盡天下美食的肥仔最受佳麗歡迎，Nika和Katchupx齊齊爭住話要揀肥仔。而Polly亦指好欣賞肥仔的風趣幽默，更稱可以為他不穿高跟鞋，令肥仔突然覺得自己是「肥田耕開有人爭」。期間肥仔聲稱：「Thomas 話我英文發音唔好，以為我講Foodboy個food係foot，即係腳呀！」Katchupx聽後隨即表示：「我同你對腳都好靚，我哋可以玩腳！」嚇得肥仔大叫：「我聽到啲咩呀？」之後在單對單面談環節中，肥仔問Polly之後還有甚麼玩時，Polly竟然反問：「係咪會出街呀？要攞手袋係咪呀？」肥仔再次被嚇得大叫：「咪住先，你講啲terms好奇怪喎！」

而另一邊廂，當濟哥知道Florrie有兩個已經廿幾歲的女兒時則大嚇一跳，忍不住指她：「你細個都好唔小心喎！」而Dee聽見Katchupx是空姐，親屬機票可享一折時，即問：「你而家係咪仲有quota？幾吸引喎！」

經過一輪面談，最後成功配出4對，包括Thomas和Florrie、濟哥和Belle、Dee和Sophie以及肥仔和Nika。每對各自有3小時二人世界，當中Dee和Sophie被安排到烘焙店整蛋糕，期間Sophie以其嬌嗲的聲音向住Dee說出「我想餵你飲奶」、「不如你除咗衫先啦」等令人充滿遐想的說話，令Dee大感招架不住。之後Sophie更加大講甜話：「你話乜就乜啦！因為你做得好啲嘛！點解你畫得咁靚嘅？」雖然Dee口口聲聲指Sophie擾言惑眾，滿口讒言，但卻依然忍不住笑著連說三次「啱聽」！

而落單的Polly和Katchupx則被安排跟Scarlett和Vivian唱K自娛。期間她們更互相分享感情事，Scarlett坦言：「好唔鍾意自己以前，成日變到好似偵探上身咁，覺得唔係自己嚟，實在無辦法走落去。」而曾經感情受挫的Vivian就指：「年紀大咗，經歷多咗，要好似以前咁愛一個人已經好難。」Vivian還提及現時的擇偶條件，覺得如果現在見到超過45歲還未結過婚的單身男人，應該是有些問題，自己未必會選擇。