聲夢傳奇|炎明熹連奪三獎成大贏家 背後功臣高晨維曾是歌手?

·2 分鐘文章
炎明熹 & 歌唱老師高晨維
炎明熹 & 歌唱老師高晨維

無綫歌唱選秀節目《聲夢傳奇》總決賽已於周一晚上(19日)播出,最後由炎明熹(Gigi)擊敗姚焯菲(Chantel), 以大熱姿態橫掃「《聲夢傳奇》專業評選大獎」、「《聲夢傳奇》觀眾熱選大獎」及全場總冠軍「《聲夢傳奇》傳奇新星」獎項,成為三料冠軍。炎明熹低頭忍淚發表得獎感言,指希望可趁暑假返去內地探父母,更感激隊友們同老師們;而坐喺台下嘅歌唱老師高晨維見到學生炎明熹奪獎,比佢喊得更激動。

炎明熹由12歲開始就到高晨維開辦嘅音樂學院跟佢學唱歌,炎明熹亦曾指自己嘅藝名係由老師幫佢搵著名玄學師傳而改嘅,過往亦陪伴炎明熹走過多個歌唱比賽,係佢音樂路上其中一個伯樂。

高晨維出生自音樂世家,10歲開始演出,12歲學習聲樂,13歲參加唔同嘅歌唱比賽,最後喺「新城997 Top One 新一代-劉德華慈善歌唱比賽」公開組中勇奪冠軍,15歲加盟Sony Music,翌年推出唱片《我不是天使》,其製作班底包括雷頌德、陳永明及吳國敬等著名監製。不過,喺兩年後因為厭倦娛樂圈生活模式選擇退出,繼續學習音樂課程。及後,高晨維分別推出過3張發燒唱片,更於2013年創立音樂學院,致力栽培下一代,而炎明熹正正就係其中一位。高晨維指炎明熹嘅成功並唔係一朝一夕,當大家放假時,佢都會繼續上堂練習,而炎明熹嘅歌手道路先係啱啱開始,會一直支持佢。

炎明熹 & 歌唱老師高晨維
炎明熹 & 歌唱老師高晨維
炎明熹 & 歌唱老師高晨維
炎明熹 & 歌唱老師高晨維
《聲夢傳奇》決賽 截圖
《聲夢傳奇》決賽 截圖
《聲夢傳奇》決賽 截圖
《聲夢傳奇》決賽 截圖
《聲夢傳奇》決賽 截圖
《聲夢傳奇》決賽 截圖
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹
炎明熹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能