聲夢傳奇2|彭家賢被譽「古巨基蘇永康合體」 曾參與ViuTV造星2被王貽興串爆

《聲夢傳奇2》截圖
《聲夢傳奇2》截圖

《聲夢傳奇2》如同上屆一樣,「男子組」嘅討論熱度未如「女子組」般熱烈;不過,上星期六(2日)播出嘅第二輪淘汰賽,彭家賢(Zayden)演唱古巨基《愛與誠》成功獲得關注,不但被評判大讚,更得到該集最高分23盞綠燈。

彭家賢(Zayden)雖然台風動作老套,令導師林奕匡爆笑,不過仍大讚彭家賢喺演繹過程中不斷昇華:「去到第三段嘅時候我係起晒雞皮。」;又被一向嚴格、曾灌錄《愛與誠》灌錄demo嘅張佳添讚賞無論聲線、形象、表達方面都有古巨基及蘇永康影子,被指係「古巨基蘇永康混合體」;彭家賢亦得到一班網民好評:「本身不大期望,但第一句已經覺得好聽,聽完成首覺得好好聽」、「so far聽左咁多個,覺得他是唱得最有感情,聲最靚既一個」、「聽完佢演出真係嘩左一聲,相當好聽,似一個歌星演出。」、「聲夢2中男參賽者我一早睇好佢」、「唔講以為佢開緊FANS CLUB演唱會,25盞綠燈都值」等等。

其實彭家賢嘅背景絕不能忽視,除咗係酒廊歌手,早於2018年已經以「EXPPA」樂團街頭busking、做過朗豪坊駐場歌手,又係英皇娛樂演藝創意學院歌唱班畢業生。彭家賢仲喺2019年參加過ViuTV《全民造星II》,並以「如果覺得我張相夠白痴就投票比我啦」作自我介紹;評判之一林二汶當時問及原因,彭家賢就解釋指自己係一個傻氣嘅人,王貽興就即刻串爆彭家賢:「冇人有興趣理你私底下係咪戇X,係咪傻仔,你嘅事嚟嘅。你行出嚟嘅話,你似返粒星啊,如果唔係你真係X那星唔好過嚟啦唔該。」彭家賢當時演唱小肥《寵物》,雖然被MIRROR讚佢唱得好,但王貽興就覺得佢欠缺個人風格,到最後彭家賢都未能成功由打入60強。

《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
Zayden 彭家賢
Zayden 彭家賢
Zayden 彭家賢
Zayden 彭家賢
Zayden 彭家賢
Zayden 彭家賢
Zayden 彭家賢
Zayden 彭家賢
Zayden 彭家賢
Zayden 彭家賢

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能