聲生不息|歐陽震華大談回歸感受 唔想再叫Bobby:我要一個中文名字就夠

《聲生不息》截圖
《聲生不息》截圖

由TVB與芒果TV合辦的節目《聲生不息》正在熱播中,為慶祝香港回歸25周年,前晚(26日)播出最新一集以「港樂與我共此時」為主題,除咗中港歌手合作演出之外,仲邀請咗多個嘉賓分享感受,當中包括曾經係TVB當家小生嘅歐陽震華。

歐陽震華講述當年回歸感受時,佢話:「看見我們的解放軍過來香港,感覺就是我們在外面那麼多年了,我的爸爸媽媽終於來接我們回家了。」之後佢再話:「最重要就是自己可以理直氣壯,對不同種族的人說一聲,你問我是從那裡來,我是從中國香港來的」及指住心口話:「我不變,就是我這裏沒變,明白嗎?懂了嗎?我這裡沒變」。

《聲生不息》只播放部分訪問,其完整版訪問就要上網睇,訪問一開始佢就話唔好叫佢Bobby:「我有一個小小要求,就是我想去掉我波比(Bobby)這個名字,因為我年紀大,不想要一個小孩的名字。另外,我要一個中文名字就夠。叫我華哥或者華仔,過兩年做訪問就叫我華叔都可以。」之後,佢仲話自己好緊張:「你們節目收視那麼高,我是面對14億人說話,不能掉香港人的臉。」,所以喺遇到唔明白嘅地方時,佢會叫暫停俾時間佢諗諗。

之後,歐陽震華提到自己過往參演唔少劇集拍攝,不過自己都冇睇過,直至去到近年先放慢腳步欣賞自己嘅作品。歐陽震華並話:「97年回歸咗之後,就開始有內地嘅投資方就嘗試搵我,因為我(形象)係內地觀眾心目中都幾健康,係唔靚仔啫。好似1999年喺內地拍第一套電視劇,呢套時裝劇叫《上有老》,就係講三代人住在一起如何相處。這個題材我回到香港有提議過,在香港可以開一個類似嘅劇集,等咗好多年,終於有一套叫《一屋老友記》。老人家唔應該被忽略㗎嘛,應該有啲題材講老人家,我諗我都要自己投資拍一套,因為我已經係老人家,要拍我自己。」其後佢再話:「香港應該要開下呢啲,唔好成日叫我做警察,人哋一睇落會問呢個警察仲未退休咩?我基本上每一個政府部門都演過」,最後佢仲自言係「警察專業戶」。

《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能