胡鴻鈞周柏豪離巢 吳業坤坐正「星夢一哥」

胡鴻鈞周柏豪離巢 吳業坤坐正「星夢一哥」
胡鴻鈞周柏豪離巢 吳業坤坐正「星夢一哥」

歌手周柏豪去年離港北上發展人氣急升,不過早前佢宣傳新歌時只標籤經理人公司種星堂,未有提及唱片公司「星夢」等,加上TVB Music Group各大官方平台歌手名單上未見「周柏豪」個名,即被指完約離巢。估唔到「星夢一哥」胡鴻鈞亦被發現已經「消失」,星夢僅餘吳業坤、鄭俊弘、謝東閔及伍富橋四位男歌手,吳業坤榮升「星夢一哥」。

依家胡鴻鈞(右)同周柏豪都已低調離巢。
依家胡鴻鈞(右)同周柏豪都已低調離巢。

胡鴻鈞於2021年初離開星夢後,改與邵氏簽約,但離巢兩個月後重投星夢懷抱。佢喺11月推出《我們在結束時開始》之後,一直再未有新歌推出,而其社交平台喺聖誕節後亦未再更新,本月6日深圳開騷後亦未見出席公開活動,一直到本月28日將到澳門出席新春活動。

吳業坤接受東網訪問,表示不敢當「一哥」:「啱啱喺內地返嚟香港冇耐,即刻不停開會、錄音、準備拍MV,所以都冇留意其他人嘅動向,我淨係知道公司將會投放好多資源,都有傾過,但你話一唔一哥呢,都冇去睇重呢件事,但你話年紀上最大嘅男生就係我,不過我最遲加入,其實都係小師弟,今年都將重心擺喺音樂上,2月會出歌,3月之後都會不斷派歌,希望大家感受到我音樂上嘅熱誠。」

星夢一哥要換人。
星夢一哥要換人。
胡鴻鈞月初開完騷之後,就再冇公開見人。
胡鴻鈞月初開完騷之後,就再冇公開見人。
依家星夢只剩番吳業坤(中)。
依家星夢只剩番吳業坤(中)。
鄭俊弘(左)都仲喺公司。
鄭俊弘(左)都仲喺公司。