膠袋代替品|香港出品水溶性包裝袋 在堆填區自動降解 700 品牌採用

Devana與丈夫同是環保之人,受行山經歷啟發從源頭改善塑膠包裝問題,遂於2020年推出水溶性包裝袋 #INVISIBLEBAG。
Devana與丈夫同是環保之人,受行山經歷啟發從源頭改善塑膠包裝問題,遂於2020年推出水溶性包裝袋 #INVISIBLEBAG。

【Yahoo 新聞報道】港人每年棄置數十億個膠袋逼爆堆填區,有本地品牌推出水溶性包裝袋「#INVISIBLEBAG」以代替膠袋。此產品可用作衣服包裝、速遞及清理寵物便便,即使棄置在堆填區也可自動降解,已獲700個品牌青睞。創辦人希望產品未來經改良後可用於預先包裝食物,為消費者提供多一個環保選擇,「如果你一定要用嗰樣嘢,既然有一個選擇,點解唔用一個好啲?」

文字記者:盧珮瑤

攝影記者:H.H

Devana是Invisible Company的創辦人之一。她接受《Yahoo新聞》訪問時表示,曾經從事美容營銷行業,深受過度包裝問題困擾,「以前有啲product(產品)由美國收返嚟,但發現一層一層摷極都係bubble(氣泡)紙,摷到箱底原來係一枝唇膏」。她試過一邊行山,一邊檢走源源不絕的垃圾,「有膠樽、大部分都係食品包裝。到底我執得幾多呢?點樣解決到個問題?」她遂與丈夫搜集資料,發現一種具水溶性及可被生物降解的人工合成聚合物:聚乙烯醇(PVA)。

「生物降解」是指物料在微生物的幫助下,可轉化為水、二氧化碳和生物質。PVA早於1920年代由德國科學家發明,Devana指此物料用於藥丸膠囊、洗衣球、水箱潔廁等;部份農業種子包裝亦由PVA製成,農夫將整包種子放到田裡,讓包裝融於土壤,「其實佢可以用喺包裝上面,咁點解我唔大力去推廣呢樣嘢呢?」2020年,Invisible Company正式推出自家產品「 #INVISIBLEBAG 」。

#INVISIBLEBAG 主要分為3個款式:衣服包裝袋、速遞包裝袋以及寵物便便袋。為了切合網購小店需要,Devana花一年半研發厚身的全黑速遞包裝袋,以代替速遞公司預設的膠袋。目前 #INVISIBLEBAG 獲700個品牌應用,七成為時裝品牌,國泰商店亦是客戶之一,也有外國品牌捧場。雖然此產品成本較普通膠袋貴兩至三倍,但客戶可按需要購入較少數量,因此也獲不少小店支持。

#INVISIBLEBAG 有3個款式,包括衣服包裝袋、速遞包裝袋以及寵物便便袋。
#INVISIBLEBAG 有3個款式,包括衣服包裝袋、速遞包裝袋以及寵物便便袋。
Devana指,現時有多達700個品牌應用 #INVISIBLEBAG,當中包括時裝小店,為方便店主寄貨,以一年半時間研發較厚身的黑色水溶郵寄袋,以取代速遞膠袋。
Devana指,現時有多達700個品牌應用 #INVISIBLEBAG,當中包括時裝小店,為方便店主寄貨,以一年半時間研發較厚身的黑色水溶郵寄袋,以取代速遞膠袋。
國泰商店亦是 #INVISIBLEBAG 客戶之一。(Invisible Company網站圖片)
國泰商店亦是 #INVISIBLEBAG 客戶之一。(Invisible Company網站圖片)

放堆填區3個月可降解95%

#INVISIBLEBAG 印有說明教導客人如何溶解包裝袋:將袋放進80℃以上熱水,加以攪拌,可加快溶解速度。記者實測發現,不足2分鐘包裝袋已可完全「解體」。Devana指,用後的水可倒至鋅盤,當水到達污水處理廠後會被微生物處理,並完全分解為二氧化碳和水,不會形成微塑膠或殘留有害物質。包裝袋證實對環境無毒無害,剩水放涼後可淋盆栽。

家居用途方面,則以寵物便便袋佔多,也有客人用作迷你垃圾袋。由於 #INVISIBLEBAG 屬生物降解物料,狗主用此執拾便便後,可丟進動物糞便收集箱,「雖然最終都係落入堆填區,但如果佢係傳統膠袋,可能用10年、幾十年分解做微塑膠,我哋嘅袋3個月已經降解95%」。狗主亦可整袋放到廁所沖走,但Devana提醒切勿打結,「一打結入面有空氣就沖唔走」。

#INVISIBLEBAG  印有一張溶解指引,教導消費者溶解包裝袋步驟。
#INVISIBLEBAG 印有一張溶解指引,教導消費者溶解包裝袋步驟。
消費者收到包裝袋後,可準備一盤80℃以上的熱水。
消費者收到包裝袋後,可準備一盤80℃以上的熱水。
消費者可將整個包裝袋放進器皿。
消費者可將整個包裝袋放進器皿。
溶解時可加以攪拌,以加快溶解速度,不足2分鐘包裝袋已「解體」。
溶解時可加以攪拌,以加快溶解速度,不足2分鐘包裝袋已「解體」。
Devana指,#INVISIBLEBAG 已通過不同測試,證實對環境無毒無害,剩水可直接倒至鋅盤。
Devana指,#INVISIBLEBAG 已通過不同測試,證實對環境無毒無害,剩水可直接倒至鋅盤。

水溶袋不可盛載食物

水溶袋亦有限制,例如不可盛載食物,「有水份、moister(濕潤)嘅嘢都唔建議」。Devana坦言,經歷過疫情,食品包裝問題必須正視。立法會的數據顯示,2019年膠袋棄置量為40.7億個,2021年飆升至46.5億個。Devana正研發可生物降解的食品包裝方法,「希望預先包裝嘅食物都可以有個環保嘅選擇」。

Devana常把「選擇」理念掛在口邊。她坦言水溶包裝袋目前難以盛行,對外國人來說也是新事物,現階段正努力做環保教育,「你唔係一定要用,但如果你一定要用嗰樣嘢,我希望你會搵一個環保啲嘅方案,既然有一個選擇,點解唔用一個好啲?」因此 #INVISIBLEBAG 的網站除了詳列產品資訊,更有大量關於可持續發展的文章,如介紹環保時裝、環保生活小知識等。小小的包裝袋,盛載著環保教育的大志,「我成日話自己係advocate for sustainable living(倡議可持續發展),我唔能夠force(強迫)人哋去改變,但可以慢慢影響你同我一齊去改變」。

小店:消費都係教育

布藝小店Seam City是 #INVISIBLEBAG 用家之一。店主Eugene指,以往網購總收到大量速遞袋,因此她也盡量避免製造垃圾,「去寄嘢會同(順豐)職員講唔使加袋,第一次佢哋會猶豫,可能會疑惑個袋夠唔夠實淨」,但認為速遞袋質地耐用。她隨後入手透明包裝袋,在市集擺檔時讓客人清楚看見貨品,「有客人都好欣賞呢款袋,會介紹畀身邊嘅朋友」。

雖然成本較一般包裝袋貴,但Eugene指售賣手作布品,本身對材料要求高,加上並非大量生產,「既然客人有要求,我都唔會吝嗇包裝袋價錢,希望我嘅客人可以透過包裝提高環保意識,消費都係教育」。

【 #INVISIBLEBAG 網站】

https://www.invisible-company.com/

寵物便便袋方便狗主執拾動物排泄物後,整袋沖到廁所。
寵物便便袋方便狗主執拾動物排泄物後,整袋沖到廁所。

更多綠色新聞🌍資訊,即睇「Yahoo可持續發展」專頁