女團COLLAR成員Marf(邱彥筒)前晚為澳洲小天王Ruel的《Ruel 4th Wall World Tour香港站》演唱會擔任嘉賓,自言為忠粉的她和Ruel合唱《Someone Else's Problem》。Marf說之前知道Ruel開騷即想買票:「點知下一個收到嘅訊息,反問我有冇興趣做嘉賓,忍唔住驚喜到落淚。」問到跟Ruel見面說了甚麼,她說:「我問佢會唔會stay behind Hong Kong,佢同我講佢都唔清楚,我知道佢好努力要繼續籌備巡唱。」
現年43歲嘅龍婷唱功了得,2022年參加《中年好聲音》,雖然未能躋身三甲,但仍獲TVB簽約成為歌手。日前佢就傳出與大22年資深演唱會製作人兼有婦之夫丘亞葵疑撻著,被影到摸男方Pat Pat,又喺車廂內「Hello Kiss」。而事後,龍婷透過TVB Music Group回應事件,指與丘亞葵為多年好友,二人之間純屬友誼。一波未停一波又起!有網民喺「中年好聲音」群組入面爆相,龍婷被影到與成熟男子以「情侶裝」現身於商場。