與盛勁為戀情曝光被網民寸坐經濟艙CHEAP 麥明詩IG Story霸氣回應

前「十優港姐」麥明詩（Louisa）喺2019年離巢TVB，淡出幕前轉戰法律界擔任商業顧問。喺今年7月，佢突然自爆蜜運中，不過就未有透露男友身份，只係話keep住開心同仲去到結婚階段，去到近日佢就拍到與傳過緋聞嘅前機師盛勁為（Keith）以情侶裝打扮出發前往日本北海道旅行。報道出街後，除咗前男友林作出嚟抽水話要同盛勁為打擂台決鬥之外，更即時成為網民熱門討論話題。

喺日本開關後，唔少香港人都即時訂機票到日本旅行，當中包括麥明詩及盛勁為。近日佢哋就被拍到以情侶裝打扮出發前往日本北海道旅行，喺飛機上麥明詩甜蜜地靠喺男方膊頭瞓覺，令戀情曝光。事隔一日，麥明詩未有直接回應戀情，不過佢就有更新IG Story，佢上載咗討論區網民嘅留言截圖，網民留言：「佢都要坐經濟位」，之後另一網民就回應：「又係喎，抵被（俾）人影咁都慳錢咁Cheap」。而麥明詩就霸氣自抽話：「係呀，我仲要用準備要過期嘅Asia miles黎（嚟）換添」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！