與黃子恆玩激情 湯洛雯火燒低胸戰衣

湯洛雯自爆與黃子恆有場激情戲,連自己都唔敢睇!
湯洛雯自爆與黃子恆有場激情戲,連自己都唔敢睇!

myTV SUPER踏入6周年,昨日一眾演員包括黃庭鋒、湯洛雯(靚湯)、姚宏遠、蔣志光及張寶兒等現身電視城為原創劇《OPM》宣傳,司儀蔡康年指劇集於myTV SUPER播出,藝員對白會足本播放,包括會有粗口內容。

談到拍劇感受,在劇中飾演人母的靚湯說:「做媽咪情節唔多,比較舒服,反而後尾要着得好性感,又要低胸,仲同黃子恆有場好激情喺梳化嘅戲,我唔敢睇呀,哈哈。(驚男友馬國明嬲?)我自己都冇睇,點解釋畀佢聽,哈哈!通常拍呢啲都會同佢講,大家都唔係好介意嘅,佢知道我尺度,着低胸少少都驚走光,但劇情要晒事業線,所以揀啲好低胸嘅衫,拍完燒晒啲衫。(自己燒定畀人燒呀?)哈哈,自己燒!」

黃庭鋒做男一有壓力

劇集以玩弄財技、創富為題材,首次擔任男一的黃庭鋒說:「都有壓力,接咗劇本半個月內要投入角色,好彩監製就係想搵個對金融完全唔識嘅,拍完10集好似上咗個經濟課程咁。」

湯洛雯在劇中飾演人母,而黃庭鋒則首次做男一。
湯洛雯在劇中飾演人母,而黃庭鋒則首次做男一。
黃子恆
黃子恆



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能