英皇藝人生日派對 衛詩雅生日忙開戲冇節目 楊天宇被女圍

日前，英皇娛樂為一眾十一及十二月份生日的藝人及同事慶祝生日，壽星藝人包括：衛詩雅（Michelle）、石修、楊天宇（Angus）、艾妮（Elly）、郭思（Suey）、劉若寶（Polly），於公司大搞生日大食會，公司一眾藝人泳兒（Vincy）、陳家樂、鄧小巧、許靖韻（Angela）、何珮瑜（Jeanna）、沈震軒、李靖筠（Gladys）、黎展峯（Andy）、洪助昇（Aiden）、黎峻（Kenneth）及朱天（Justin）均踴躍參與，家樂客串司儀，英皇集團主席楊受成博士亦為一眾壽星仔女慶祝，場面熱鬧。

生日大食會當日更是Michelle的正日生日，「生日會梗係開心，第一次咁多人一齊慶祝，無論同事同埋藝人都一齊，好似一個小型聚會咁，咁啱嗰日係我正日生日，好多人同自己講生日快樂，真係好有愛，感受到公司同事滿滿的愛。」雖然生日當天Michelle全日均在工作中渡過，但她坦言感覺充實，「因為忙緊籌備開拍新電影，所以冇特別慶祝活動。」至於生日願望，她說：「《不日成婚2》票房大賣，同埋身體健康最緊要！」

而當日被一眾女同事捉住合照的另一位壽星仔Angus則謂：「好開心可以同公司一大班同事一齊慶祝生日！感覺到公司上下一心好團結！生日願望希望大家都大紅大紫！越嚟越多嘢做！最緊要身體健康！」