荃灣豬肉檔AK威威受網絡欺凌 喊住拍片澄清:點解有紋身就唔係好人?

荃灣豬肉檔AK劉宋威因為一副明星相而一夜成名,早前荃灣生日會引來過百粉絲現身,但人紅是非多,自從生日會後,威威是非不斷,不停被網民翻出黑歷史,包括爆出做過傳銷,又被網民爆出在粉絲群疑似狂串MIRROR和COLLAR。近日,又有網民公開一張10年前威威舊照,指他是黑社會和曾常玩女人。面對種種抨擊,威威終於爆煲,在自己頻道拍片回應事件!

荃灣豬肉檔AK曾經是古惑仔?

近日網上討論區有網民爆料,指荃灣豬肉檔AK威威曾經是古惑仔一名。網民紛紛留言和應「睇佢頭髮同紋身都估到了」、「紋身唔一定壞人,但壞人一定紋身」同時亦有網民指出「我有朋友識佢之前個女友,話佢唔係好人,撈開古惑…之後先轉行切肉」、「條友玩過好多女人」。更有網民質疑威威可能同時係古惑仔又係豬肉佬「以前劈友,而家劈豬」。雖然有不少網民攻擊威威,但威威豬亦立即留言支持威威,「唔使理妒忌你的人,做返你自己就得」、「威威加油!」

荃灣豬肉檔AK開腔回應事件:點解有紋身就唔係好人?

連日受到網民的起底和負評,威威終於忍不住要出片澄清:「首先我要澄清返,我只係一個普通屋邨成長的人,基層出生,亦唔係大家所講的黑社會⋯⋯ 點解喺屋邨長大就係黑社會?點解有紋身就唔係好人?就要俾人歧視? 點解我自己的事業去賣豬肉,揸把刀就要去斬人哋?之前聽好多人講人紅是非多,一定會畀人攻擊,但如今自己親身感受到。」

更指希望大家不要標籤有紋身的人,同時自己已找紋身師傅設計威威豬紋身,來紀念這刻的自己。最後威威說不下去,哽咽表示感謝:「我會繼續努力,做好自己,多謝大家!」

A post shared by (@) on

更多相關文章:

《多啦A夢》胖虎出道做歌星!技安夢想終成真8月出專輯 網民︰新版唱歌唔難聽

何超蓮爆賭王曾被暗殺3次 住酒店門口一定要有保鑣 親剖小學每星期得10蚊零用錢

荃灣豬肉檔AK嘲笑Day無料先回港發展?粉絲威威豬辱罵Anson Lo引神徒罵戰! 經理人回應指控澄清


Follow she.com on Facebook & Instagram

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能