荷蘭機場雀鳥為患 派出20位「豬隊友」解決問題

世界上好多機場都面臨同一問題，就係有唔少雀鳥出現於機場空域附近，引致嚴重安全問題。好多機場都會聘請安保人員，利用真槍實彈趕走雀鳥，甚至會射殺雀鳥，不過原來只要有創意其實仲有唔少辦法。

荷蘭阿姆斯特丹基浦機場為歐洲第三大機場，擁有龐大升降量，但同時一樣受到雀鳥問題影響，因為附近有唔少農田，每當收割就引來大批雀鳥前來食農作物。機場一直都有安排多位安保人員，除咗用嘈音及激光，就係用真槍去對付，一年間可以射殺7千多隻雀，可見問題有幾嚴重。

不過上月開始機場就用新方法，派出20隻豬上陣！20位「豬隊友」會去到唔同嘅田舍，食收割剩下嘅殘糧及農作物，減少食物吸引雀鳥嘅機會，估唔到試行一個多月後成效顯著，有近半個月時間完全一隻雀都見唔到。目前機場已經決定「聘請」佢哋為長期工，仲喺附近起咗間宿舍畀佢哋居住呢！

（圖：Schipolairport@twitter）

___________________

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

___________________

相關文章：

美國華爾街代表不只有銅牛？銅猩猩「Harambe」登場與之對視

【另類抗疫】日本星野酒店餐廳推燈籠防疫罩 食客被笠住用餐好老尷！？

今年冬天特別冷！極端天氣「拉尼娜現象」連續兩年出現？

東京首度推出「疫苗巴士」 停靠大型商場隨時可上車接種

人氣爆升！日本餐廳一碟咖喱飯竟引出國土風波？