葉璇傳暗撻內地CEO 男方曾陷離婚染性病風波
藝人葉璇早前晒出與一男子背影相,同時又晒大大紮紅玫瑰,上面印有「I love you forever my love」,擺明晒幸福。點知前晚(29日),葉璇突然公開「另一半」身份,同企業家李國慶頭貼頭合照,二人更於8月初就孖住打邊爐,葉璇由頭到尾都嗲聲嗲氣,雖然網友知二人係為直播帶貨做宣傳,不過佢哋表現模棱兩可,反而更令人聯想到二人真係拍拖,食晒花生等後續。
不過現年58歲嘅李國慶,佢喺內地嘅風評就認真麻麻,佢於2019年提出與一同創立公司嘅老婆俞渝離婚,二人鬧出奪權風波,李國慶於2020年夥同五人闖入辦公室搶走幾十枚公章、財務章,又遭女方爆料取走逾億現金,不但係同性戀者,更患有梅毒等,男方還曾出言威脅要殺妻,故部分網民都好關心葉璇同李國慶嘅互動,唔睇好二人一齊。