葉璇直播談「過氣」 話題與網民展開罵戰被指EQ低

現年43歲嘅葉璇喺1999年奪得國際華裔小姐冠軍及「最具古典美態獎」入行，2005年離開TVB並將重心移向內地發展，除咗參與電影、電視劇及綜藝節目拍攝之外，佢亦積極經營抖音、微博等內地社交平台。近年佢竟然放飛自我，喺直播過程中懶理形象，好似佢曾身穿保暖內衣亮相，被指腰間贅肉盡現，令大走樣嘅身形曝光於鏡頭前，舉手投足都流露出陣陣大媽味。近日佢又再開Live，期間談及「過氣」話題，仲公開與網民罵戰。

喺直播中，葉璇讀出留言：「自己過氣了」，有網民就話佢紅都未紅過，跟住佢就反駁話：「你連氣都未氣過吧，你紅過嗎？粉粉的麥田（網民名字）啊！沒有紅過就說自己過氣的話，那就是比較可憐了啊！沒有自知之明的話，我們沒有辦法幫你，你還是要有自己的能力啊，才有可能跟你溝通和交流，一點能力都沒有的時候拔不起來，旱地拔蔥拔不起來」。

呢番說話一出，唔少網民都認為葉璇EQ低，唔明佢做咩咁嬲，因為明知有人係嚟搞事；同時亦有網民支持葉璇，因為佢真係有紅過。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！