葡萄友：咸濕都可以有個譜？

天氣忽然又凍番，最岩就係食熱嘢暖下個人。不過俗語都有話「飽暖思淫慾」，意思係指生活安逸之後就好多唔同嘅慾望，精簡嚟講就即係咸濕，而咸濕好似永遠都只適用於男人身上，就好少用嚟形容女人。咁下面呢幾個男藝人，你覺得邊個係最咸濕，好多時都用下面嚟諗嘢?

方力申

小方以前係香港游泳代表隊，非常sporty感覺上亦都好健康。但係佢出道多年都同過唔少女藝人傳過緋聞，包括李彩華、傅穎同埋鄧麗欣，而且同stephy拍咗好多年拖先至正式公開戀情。雖然係舊年分手，不過佢好快又向何超蓮進攻、跟住又到嫩模張沛樂，最近仲俾人發現佢同大陸嘅女fans私底下去飲酒，佢都幾忙架喎。

陳冠希

Edison不嬲都又型又潮，但最令人難忘一定係08年嘅淫照事件，事件入面至少有12個女藝人嘅相，而最出名同引起人嘩然嘅當然係同張柏芝、鐘欣桐仲有陳文緩三個女角，當年件事轟動整個香港同大中華區，仲引起網絡私隱等等一連串嘅社會問題。而從此之後Edison更被網民取笑為攝影方面嘅高手添(其實心底可能都好羡慕)。

成龍

時不時發表偉論嘅成龍都幾多前科，99年吳綺莉被發現未婚懷孕而經手人係成龍嘅時候，佢竟然回應話自己「犯咗全天下男人都會犯嘅錯」，拉哂所有男人落水。另外，佢仲經常俾人發現佢同唔少女星表現親密實有抽水之嫌，好似范冰冰、章子怡、劉亦菲等都俾佢攬身攬世，而14年嘅時候佢更從背後錫咗被大陸網民稱為「國母」嘅宋祖英，被形容為太歲頭上動土。

陳浩民

無論婚前婚後都一直咁咸濕，2002年同疑同佘詩曼爆出情慾對話，非常露骨挑情，還不斷發出淫笑聲。而最經典事件絕對是2011年係橫店消夜時，非禮當年只有19歲的陳嘉桓，最後要公開道歉。

alexfongliksun， edcee3000＠ig, 成龍Jackie Chan@Facebook, 陳浩民＠微博