葡萄友：紅遍宇宙又如何？有些女人總是缺少當老婆的特質

係香港都有唔少fans嘅台灣歌手林宥嘉，舊年11月底係FB向比自己大3年、今年32歲嘅丁文琪Kiki公開求婚成功，曬幸褔之餘仲完美KO舊愛。前日Kiki就係自己FB出post，拎住Yoga 4月演唱會飛話「有錢没錢，買張The Great Yoga好過年」幫手宣傳仲hashtag咗「新手人妻」，關係非常明顯。原來上星期Yoga開完記招後就去咗登記結婚，仲話娶個老婆好過年咁喎，真係又甜蜜又幸褔。

成日聽長輩好老生常談咁講娶老婆要娶個好嘅幫到手嘅，一齊進步唔會惹嚟麻煩下刪三百字⋯⋯睇下呢幾個因素，咁樣揀又啱唔啱？

有「家」嘅感覺
要搵終身伴侶，男士嘅要求會比以前認真同嚴謹好多，唔會再係玩玩下、無乜目標嘅心態。男士會想有一個能夠分擔到佢嘅煩惱，幫佢安排好好多嘢而最重要係有安穩嘅感覺，即係無論日頭工作幾咁大風大浪，而返到女方身邊就好似返咗避風港咁，就係「家」嘅感覺。

懂得感謝
現今有唔少人，不論係男或者女都會視好多嘢為老奉，覺得係應份嘅，但不斷付出嗰個遲早都會覺得好累好辛苦。所以，如果男方肯為你付出或幫你嘅時候，簡單一句「唔該」、「多謝」已經唔錯。當然，都要掉得番轉頭先可以維持到啦。

互相信任
相信絕大部份男士都唔鍾意俾人煩住Check住，佢哋都唔希望因為正常社交好似出去同朋友食飯、無覆電話或信息就俾人懷疑同煩住。男士需要嘅係被信任同一個支持佢嘅人，等佢可以專注工作、專注係家庭。當然除咗被信任，男士都希望有個可以信任而且好放心嘅女生