葵芳汪星人瑜伽派對！五大打卡位：4米高巨犬柴柴+一字馬哥基+飛天法鬥仔

繼去年中秋的喵喵遊園會，新都會廣場今次以汪星人做主題，由5月上旬至7月17日舉行「DOGA大師班」，到時汪星人們化身瑜伽大師做出一系高難度瑜伽動作，打造5大搞鬼打卡位，好似4米高巨型柴柴雙手一伸，展現S型曲線兼大Show「迷臀」；白色法鬥仔在半空中擺出瑜伽動作；小短腿哥基利用瑜伽輪做出一字馬等，打卡之餘，令人回心微笑。

入夜後，L4夜光空中平台兩邊分別擺放了幾組以歐陸簡約設計的發光打卡位，可盡情由下午影到傍晚！如果想搶先入場打卡，商場特設「優先打卡日」，The Point 會員只要憑1,000積分，即可換領二人同行電子入場憑證一張，各位狗奴是時候去潮聖吧！

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

新都會廣場「DOGA 大師班」

活動日期：2022 年 5 月上旬至 7 月 17 日(確實日期請留意新都會廣場官方Facebook公佈)

活動時間：上午 10 時至晚上 10 時

活動地點：新都會廣場 L3 - L4 露天廣場

更多相關文章

商場優惠│荷里活廣場推元宇宙遊戲 免費送出超過5千份真實禮品
香港狗狗好去處│康文署增設逾60個寵物共享 有海景+靚草地 連維園範圍都入得！
姜濤生日｜兩大「姜濤誕」慈善期間限定店！11大必影打卡位+獨家義賣精品