蒙嘉慧挑戰斬柴遮唔到幸福肥 自嘲：真係冇乜可能會瘦得番

現年50歲嘅蒙嘉慧（Yoyo）與56歲老公鄭伊健同樣熱愛日本文化，近年二人移居日本，更指鄭伊健揼本過百萬俾老婆喺福岡開設房地產公司，仲有唔少網民曾經喺日本野生捕獲佢哋，不過Yoyo最近就被指「幸福肥」。

近日蒙嘉慧喺Facebook上載斬柴影片與網民分享，片中嘅佢喺戶外斬柴，雙手拎起斧頭，手起刀落咁成功將木頭一分為二。影片中嘅Yoyo身形明顯比之前圓潤，不過佢就搞笑寫上：「呢個都解鎖埋……真係冇乜可能會瘦得番。」不過一班網民都紛紛留言認為佢以前太瘦，而家咁樣好好睇，同埋最緊要健康，例如「只要自然就係最靚喇！更何況係你，點樣都靚」、「真心宜家好好睇，唔洗減肥 幸福女人，幸福人生」、「最緊要健康 肥瘦睇個人體質無須太刻意去減你同伊面過得開心幸福就得」、「做翻自己，自己同老公覺得開心咪得囉。」、「妳而家好好睇，唔洗刻意瘦，我係好認真㗎」、「因為以前太瘦， 而家叫做剛剛好， 最緊要健康！」、「最重要係健康，其他唔係最重要。覺得而家既你好好，生活開心」、「最緊要健康，自然美」、「而家好睇就得啦～」、「瘦一定靚咩？我又可以話瘦係怪獸囉！做人最緊要健康開心，洗乜理咁多人把口，搞到自己唔得閒」、「健康就好，太瘦顯老」、「少少福氣，你以前瘦過龍，最緊要身心健康」、「日日話自己肥既幸福女人，證明伊健真係鍾意你，好幸福。」、「舊時睇你拍戲拍劇係覺得你太過瘦，現在你的幸福生活才是標準身型」及「唔洗減，女人有少少肉先有福氣，依家very good」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！