蔡天鳳母親「五姐」傳有意爭取撫養外孫兼管理遺產

全城轟動嘅名媛蔡天鳳(Abby)碎屍案，案中共有7人被捕，包括Abby前夫、前夫兄長及前老爺奶奶，另有3人因協助疑犯逃離而被控。案件仍在調查中，並將於下周再提堂。

案情以外，蔡天鳳生前同前老爺鄺球一家嘅資產處理亦係焦點。案發後短時間內，Abby母親「五姐」已經入稟禁止鄺球出售蔡天鳳名下何文田加多利山嘅單位。今日有報導話，五姐多次出入金鐘商廈，估計係同律師商量，申請2個外孫嘅撫養權，以及出任蔡天鳳遺產管理人。「五姐」回應記者時承認申請撫養權，因為2個姓鄺小朋友自細都係由佢照顧。

蔡天鳳同前夫育有2名子女，離婚後與譚仔雲南米線創辦人譚澤均之子Chris喺2016年再婚，亦育有一子一女。如果「五姐」真係申請接管Abby遺產，估計鄺家、譚家及五姐一家都會捲入爭產風波。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！