蔣雅文激罕水著照暗露事業線兼自爆體重 網民高呼︰出寫真！

曾經被英皇力捧、與鄭希怡Yumiko及劉思惠Maggie組成3T嘅蔣雅文（Mandy），2008年離開香港赴台生活後淡出娛樂圈，但仍然不時喺社交網站上載照片與網民分享生活點滴。早前佢趁41歲生日上載多張自拍靚相，唔少網民都紛紛留言大讚佢凍齡有術，甚至比出道時更靚女及有氣質。

估唔到Mandy再接再厲，今次仲罕有放出多張水著照，低調露出事業線！

以往Mandy行清純形象，莫講話水著，就算露多少少都好難得，今次可以話係大派福利。Mandy又自爆現時體重突破60公斤，仲話「原本該長脂肪的地方長了一咪咪肉」，難怪有睇頭。今年41歲嘅Mandy睇落凍齡，佢亦分享保養心得，仲話「不得不承認這年紀修復力實在疲乏／偶爾(睡很飽)的時候看起來狀態好像不錯／但它就像故障的手機app經常閃退／狀態時好時時時壞（機率大概1:3）」。

唔少網民睇到都大讚Mandy有料到，陳蕾都留言話「不得了」。更有網民話「出寫真！」、「睇得出你今次想做中女天花板嘅目標好堅定！」、「想不到老奶奶也解放了」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！