薛凱琪古裝造型令長頸再次曝露人前 網民：條頸p過？

薛凱琪（Fiona）近年專注內地發展，自參與內地綜藝節目《乘風破浪的姐姐》及《無限超越班》人氣急升，不過其外貌就被批濾鏡開太重形成「網紅臉」，令唔少網民都差啲認唔出。日前，薛凱琪有份參與中央廣播電視總台節目《國家寶藏》第四季，並以古裝造型亮相，令其「長頸」再次曝露人前。

中央廣播電視總台大型文博探索節目《國家寶藏》第四季日前開播，薛凱琪與苑瓊丹、樊少皇擔任明星守護人，帶觀眾走進香港康樂及文化事務署介紹文物故事。薛凱琪著上古裝服裝、戴上假髮，舉止溫柔優雅，散發陣陣古典氣息，並以普通話和粵語互換唸誦《詩經》，比起初出道時期，中文進步神速。薛凱琪早於電影《畫皮》和2020年作客《娛樂大家》時以古裝造型現身，不過今次著上古裝，網民就意外將焦點放喺薛凱琪嘅長頸上：「條頸p過？」、「笑左出聲，條頸好長」、「長頸族人」、「佢一直比人話長頸鹿，只係今次仲誇張，成隻女鬼咁」、「以為佢拍緊《聊齋》」、「點解無P到都可以咁長條頸？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！