藝人安采妮拍片解釋「失蹤之謎」哭求:放過我!經理人陳達仁還擊否認

·2 分鐘文章

現年26歲嘅藝人安采妮(Charlie)(前名馮殷)係香港電影演員、電台節目主持及模特兒,因為個樣同身材都有啲似高海寧,所以有「翻版高海寧」之稱。安采妮童星出道做過周潤發同夏文汐個女,不過佢喺13年先正式出道,較為人熟識嘅係《我的女神Miss》同《毛俠》。

前排有網台主持喺網上公開尋安采妮,話佢失蹤咗一個月。日前安采妮終於露面,更拍片解釋「失蹤之謎」。佢話係想避開有強大控制欲嘅經理人陳達仁,安采妮話經理人陳達仁除咗要佢報告行蹤之外,仲要喺佢架車裝GPS方便追蹤,搵人跟蹤佢,阻止佢同與朋友及網民溝通,干預家人聚會,又唔畀佢去家姐婚禮,更騷擾佢朋友及母親,嚇到佢媽咪報警求助。

經理人陳達仁更經常威脅佢話打俾業主退租,搞到安采妮同啲狗冇地方住。安采妮表示每晚都發噩夢,更無數次想結束自己生命,佢最後更叫經理人「收手啦!放過我啦!今世唔好再見。」

對於安采妮指控陳達仁一概否認,佢亦拍片還擊話「員工要辭職,都同老闆坐低講聲,唔係走咗去,事出必有因,喺呢4年,我投資咗好多精神同金錢,唔係點會欠下一身債。」佢更解釋安采妮以前係o靚模,同佢合作時已約法三章,包括共同管理Facebook、 不可以跟以往朋友聯絡、洗脫以前形象等等。陳達仁承認有搵過安采妮親戚,因為搵唔到人。陳達仁話安采妮約好咗要見面都放飛機,本身約咗做嘢,但佢一個電話就話約咗人就失蹤,更疑似透露安采妮以前生活好亂,希望佢同朋友去旅行係健康嘅,佢承認自己「處理得唔夠成熟」。陳達仁話佢哋投放咗好多時間金錢及精神喺安采妮身上,唔係安采妮一個人嘅事。

喺今朝,陳達仁再喺社交網站發文:「06:34am,正式對你發出最後一個唔知你會唔會收到嘅信息, 多謝你呢四年,陪伴一齊高低起跌戰鬥到底,今日真正放低,我會繼續追尋夢想,而你繼續遨遊天際尋找屬於自己嘅天地,任何難題隨時出聲。#衷心祝願祝福你以後過得幸福快樂。」

陳達仁 Facebook
陳達仁 Facebook
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能