【藝人置業】明星屋苑傲瀧 少爺占關智斌住同一幢 張寶兒轉名慳稅700萬買2200呎愛巢

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

香港唔少藝人都會住西貢將軍澳一帶,做TVB嘅就貪方便返電視城,而且唔少屋苑私隱度高,唔怕有狗仔隊跟到上樓。除咗堪稱「TVB員工宿舍」嘅日出康城之外,西貢呢個私人屋苑都係星級豪宅,住親嘅都唔嘢小,甚至有幾位藝人係住樓上樓下!

位於大網仔科大校園後面嘅「傲瀧」,2016年開始入伙,唔少圈中人都成為呢度嘅業主。

屋苑賣點有好幾個︰

大單位供應充足,適合有小朋友嘅家庭

唔少伙數有半露天露台,而且面向樹林,私隱度高

大廈層數唔超過7層,一梯5伙,唔怕出出入入遇到大量街坊

揸車去電視城唔駛半個鐘,經將軍澳出九龍亦都好方便

而家睇下有邊啲星級業主!

關智斌少爺占樓上樓下

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!
住傲瀧,影相一定要搵個露台做背景

商台DJ少爺占好識買樓投資,向來專攻老家港島東區,2018年將住緊嘅房協樓王、筲箕灣樂融軒頂層複式戶出租,並透過「甩名」手續,以首置身份買入傲瀧1800平方呎單位自住,盛惠3380萬。

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

少爺占組成嘅I Love You Boyz舊年喺紅館開個唱,請到另一隊同期出道男團Boyz 做嘉賓。無獨有偶,而Boyz嘅第一代成員關智斌,同少爺占都係住同一座。Kenny 近年北上吸金成功,2017年以1700萬買入傲瀧約970呎單位自住,之前拍過嘅youtube片可以睇到佢嘅屋企裝潢。冇小朋友嘅Kenny據聞竟然係因為校網好而買呢區,等姨甥報學校方便啲。

媽咪鍾意 王浩信即買

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

同一座樓嘅業主仲有視帝王浩信!2018年佢以3300萬買入同少爺占屋企差唔多大細嘅1800呎單位,佢話係帶屋企人睇樓見媽咪鍾意就扑鎚,而家俾屋企人住。

周柏豪送3300萬豪宅俾老婆當禮物

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

同太太Stephanie拍拖多年修成正果,周柏豪夫婦本身都住開將軍澳,十幾分鐘車程就到將軍澳嘅傲瀧的確幾啱佢地。柏豪同上述幾位「星級街坊」一樣都係2018年入市,又係以3300萬左右買入1800呎單位,據講層樓係由Stephanie個人持有,柏豪將間屋作為禮物咁話!

【藝人置業】明星屋苑傲瀧 視帝、DJ、男神住同一幢!
又係呢個景

Dear Jane Tim 楊洛婷升呢換樓

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

近年樂隊發展唔錯嘅Dear Jane主音Tim(黃天翱),同太太楊洛婷亦都喺2018年以二千萬左右購入高層單位,面積1183呎,一家三口住fit晒!楊洛婷話喺十幾年前買入嘅單位升值幾百萬,加上多年積蓄,所以決定出手。其實楊洛婷喺司儀界發展順利,兩公婆拍住上供樓冇難度。

袁偉豪張寶兒7000萬豪宅連車位做愛巢

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

上面幾位都係買單位,而好事近嘅袁偉豪同張寶兒,今年以聯名形式買入屋苑2200呎複式單位,連埋2個車位一共7000萬。有傳家境不俗嘅張寶兒得到家人幫助,豪擲4000萬首期當嫁妝!張氏一家本身對傲瀧情有獨鍾,張寶兒同細妹張寶欣以及媽咪,2017年就以2100萬一次過掃同一幢樓3間細單位,而為咗買愛巢,張寶兒以「轉名」形式將單位轉俾媽咪,咁就可以同袁偉豪以「首置」名義買大屋,即慳700萬稅!

劉愷威6000萬買2間 三房單位贈老豆

【藝人置業】明星屋苑傲瀧 視帝、DJ、男神住同一幢!
【藝人置業】明星屋苑傲瀧 視帝、DJ、男神住同一幢!

主力北上搵食嘅劉愷威,2017年以6000萬一口氣連掃2個單位,分別係4000萬嘅特色戶用作自住,另一間約2000萬三房單位就送俾老豆劉丹。當時有傳媒影到劉愷威帶晒父母同囡囡睇樓,唯獨不見楊冪,已經有人估雙方係咪感情生變,結果……