【衝上雲霄大選】前男團成員李傑志掟7位數考機師 爆同行失業苦況「仔女冇得讀國際學校」

·3 分鐘文章
 【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」
【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」

TVB將於12月26日舉行選秀節目《衝上雲霄大選》,迎戰ViuTV嘅《全民造星III》總決賽。《衝》俾一班受裁員之苦嘅航空界從業員參加,入圍者包括前男團Square成員李傑志(Brian,藝名李柏煥)。Brian連同另一位俾公司派大信封機師Jim,早前上到YAHOO TV Mean傾節目做嘉賓,由入行講到被裁嘅見聞。

Brain直言係睇完劇集《衝上雲霄》先知航空公司會贊助機師培訓,於是走去投考,為表誠意仲拎百幾萬出嚟,專程飛去紐西蘭考私人飛機牌,結果一擊即中。Brian話咁大舊錢學揸飛機,最貴開支唔係學費,而係訓練飛機嘅燃油開支。而Jim本來係讀金融學,但畢業時遇著金融海嘯,經朋友介紹後加入航空公司做倉務員,自此培養出興趣。

 【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」
【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」
 【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」
【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」
 【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」
【衝上雲霄大選】前男團成員李傑志掟7位數考機師 爆同行苦況「仔女冇得讀國際學校」

機師睇落高薪厚職,但冇咩人知道背後辛酸。Brian話如果機師每年要做身體檢測,一旦其中一項肥佬就會永久釘牌!Body Check之中最多人唔過關嘅係聽力測試,Brian以前做藝人,表演時成日要帶住耳機,所以初初嘅聽力表現只係僅僅合格。Jim就話機師每半年要做模擬飛行考試續牌,早排考試佢同同事做訓練講咗句「今次可能係我地最後一次圍埋練習」,點知一語成讖!

睇《衝上雲霄》見到Sam哥同Belle談情說愛,以為機師一定追空姐?Brian記得訓練隊長醒佢地成班新仔嘅第一件事係唔好識空姐,第二係唔好住東涌!唔好追空姐,係因為一旦公司有事,就會一齊冇收入,竟然開口中!

航空公司大裁員,Brian形容氣氛「好慘、好歇斯底里」,佢知道有同事準備結婚,俾完訂之後因為疫情婚期押後,到落實日子就遇上失業冇錢埋單;亦有同事仔女拎公司資助讀緊國際學校,點知一鋪過冇晒;至於供緊樓嘅就要賣樓頂住。


搵緊工嘅Brian話寄過履歷應徵,但係冇人理。馬死落地行,希望《衝上雲霄大選》幫到Brian啦!