袁偉豪幫兄弟做「阿四」 譚俊彥贈生仔秘笈：準時做就OK

譚俊彥與太太昨日到九龍灣出席娛樂新聞台主播婚禮，講到生仔秘笈，他認為最重要是愛錫太太，「愛」得及時：「準時做應該做嘅嘢就OK。」

藝人汪明荃、譚俊彥夫婦、陳煒、江美儀與朱晨麗等，昨日到九龍灣出席無綫娛樂新聞台主播王鎮泉與太太Vanilla的婚禮，兩人拍拖年半便拉埋天窗，袁偉豪與黃智雯更幫新郎做兄弟。新郎特別感謝袁偉豪與張寶兒協助他在新加坡求婚。

譚俊彥被問可有生仔秘笈傳授新郎？他說：「呢啲冇秘笈嘅，最緊要夠愛對方，準時做應該做嘅嘢就OK。佢嚟過我餐廳食飯，見佢都好錫佢太太。」談到稍後拍攝兩劇，他表示會專心演出《NEWS新聞女王》，隨後再拍其他劇：「第一次同阿佘合作，希望可以快啲夾到有化學作用，同阿佘有感情線，仲有動作戲。（愛情動作戲？）可能㗎，哈哈！阿佘除咗同我，同其他小鮮肉都有火花。」

朱晨麗出席婚禮有壓力

而朱晨麗戥新郎開心，笑言事前不知對方拍拖，會請教對方的保密工夫。她坦言每次出席婚禮都被催婚，有不少壓力：「冇得心急嘅，緣分天注定，依家亦係打拚嘅時間，希望事業更好，到時結婚就會更加好。」至於汪明荃分享夫妻相處之道，笑言老婆永遠是對的，老公羅家英少有駁嘴。