被王晶踩戲屎 李婉華反擊大爆被刪戲真相︰有人臨時要求大膽演出

王晶
王晶
王晶
王晶

李婉華日前喺自家YOUTUBE頻道嘅節目《豪華博客》,同身在英國嘅林子博及喺加拿大嘅杜挺豪,一齊討論TVB劇《一舞傾城》。李婉華鬧爆劇集入面KK(陳星妤飾)出賣初夜情節,認為教壞細路。而《一》製作人王晶就喺內地微博出post大反擊,形容李婉華係「過氣四線」,「晌TVB都屎戲之王」。晶哥又話多年前曾經搵婉華拍戲,但係「用過一次嚇到剪左大半」。

李婉華
李婉華

王晶發炮後,李婉華同林子博及杜挺豪再次開live,仲搵埋娛記小文做嘉賓。李婉華佢地再次回應,認為上次批評《一舞傾城》係對事唔對人。對於被王晶鬧「戲屎」兼剪走戲份,小文提到當年婉華拍過王晶有份嘅《制服誘惑2地下法庭》,戲中有裸露鏡頭,但係小文同行家都認為有移花接木之嫌。

《制服誘惑2地下法庭》劇照
《制服誘惑2地下法庭》劇照

婉華憶述傾《制》嗰陣本來冇要求佢做咁多嘢,但係套戲上畫後有人問佢係咪裸露,婉華就立即否認,仲話「嗰個唔係我」。李婉華就仲大爆當年開工前一日收到電話,要求佢有「大膽演出」,連劇本都冇咁嘅戲份,當時婉華拒絕,仲搵曾志偉求助,最終李婉華唔駛「大膽演出」。而電影出街後有好多裸露場面,婉華否認係佢上陣,林子博追問「即係用替身?」,婉華就話「我諗係嘞」。

小文由此推斷,王晶之前提到要剪走李婉華大量戲份嘅電影,正是《制服誘惑2地下法庭》,而唔係另一套有劉德華同梁家輝主演嘅《至尊三十六計之偷天換日》。小文又大爆李婉華唔係第一個遇到呢類事,當年朱茵拍《強姦2制服誘惑》亦係半推半就之下要拍大膽場面,搞到好唔開心。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!