被禁與李佳芯合照辣㷫「蟲草大王」陳恩德 TVB千萬廣告今日起轉落ViuTV

·2 分鐘文章
被禁與李佳芯合照辣㷫「蟲草大王」陳恩德 TVB千萬廣告今日起轉落ViuTV:我唔好蝦
被禁與李佳芯合照辣㷫「蟲草大王」陳恩德 TVB千萬廣告今日起轉落ViuTV:我唔好蝦

李佳芯(Ali)上年與拍拖7年陳炳銓分手後,與「蟲草大王」陳恩德傳出緋聞,更流出多張合照與「男友視角」照片,不過李佳芯多次否認,日前亦發聲明表明二人過去見面都係洽談工作合作,強調與對方今後都唔會有任何發展空間;26日更缺席陳恩德公司舉辦嘅「Pet Paws NFT發佈會」,不過陳恩德就指係佢自己決定李佳芯唔洗出席,同時抽起喺無綫落嘅所有廣告。

當日發佈會嘉賓變成王丹妮、羅孝勇及有「翻版Ali」之稱嘅蔡潔,陳恩德表示收到李佳芯經理人通知,指活動期間不能與李佳芯單獨合照及需保持距離,對此條件感到侮辱所以唔洗李佳芯出席,一怒之下揚言會抽起晒無綫啲廣告,並要求樂易玲交代:「每年仲會喺佢嗰度落接近兩千萬廣告嘅客戶又有幾多個,真係唔明點解對我哋公司態度咁差,我要話畀佢知我唔好蝦。」

有指陳恩德與無綫投訴得唔到滿意答覆;樂易玲亦就此事回應傳媒,指經理人基本責任係保護和尊重藝人意願為先,未知係咪呢句再辣㷫陳恩德,令佢決定正式抽起所有廣告中止合作,有關廣告於噚日(30日)最後一日喺無綫播放,並由今日(31日)起改成喺ViuTV落廣告,預計農曆新年開始就會喺ViuTV見到一連串陳恩德旗下集團嘅賀年廣告,有網民就留言表示,真係成日喺無綫見到佢嘅廣告,指今次無綫大獲,而ViuTV就真係笑到最後咁話。

「蟲草大王」陳恩德 & 李佳芯(網上圖片)
「蟲草大王」陳恩德 & 李佳芯(網上圖片)
李佳芯
李佳芯
李佳芯
李佳芯
李佳芯
李佳芯

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!