西貢食店即將結業蘇施黃感心傷 同時斥香港官員堅離地惹網民同感

現年68歲嘅前電台主持蘇施黃（阿蘇），近日繼續捐罅捐罅搵美食，與朋友去西貢食炸魚薯條，但可惜發現該小店即將結業。一向敢言嘅阿蘇出PO表示感到心傷之外，同時仲斥香港官員堅離地，要幫助市民嘅需要，唔好閉門造車。

近日（21日），蘇施黃喺社交網站出PO為小店結業感到心傷，同時亦表達不滿：「朋友話要入嚟西貢食fish n chips…食咗一人一舊fish n chips, 炸雞翼、洋蔥圈、新鮮檸檬做的lemonade，甜品一人半個菠蘿包，好飽…而加要返屋企瞓吓。明年三月Chip in fish n chips 結業了，真可惜！近年眼見一間一間好的店結業，真係有點心傷，冇辦法，一班堅離地的人管轄住，稔埋d唔work嘅屎橋，仲要淨係識發告票比市民，香港人要搵兩餐都難，要發達第二世啦…高貴嘅官員，醒吓啦！與時並進、幫助市民的需要，不要閉門造車」

呢個PO隨即引起網民熱烈討論，唔少網民表示認同，仲話佢講出小市民嘅心聲，留言話：「真係講出我們小市民的心聲」、「阿蘇，點解你重醒過D高官？我們普通市民只可以自求多福！」、「阿蘇講得岩」、「蘇：飽後吐真言，真難得。」、「你說的小弟也同感，香港」、「不愧為我偶像，說得真好。」、「亞蘇，從嚟未聽過包括喺電台同電視你講呢個政府嘅嘢，謝謝你，講得好全面同重點」、「亜蘇講出重點。」、「難得演藝界嘅真心說話」、「講得真好，呢段說話真心欣賞你」、「蘇蘇敢言，多謝」、「一語中的！」及「有guts嘅傳媒人已經買少見少！大家要好好珍惜阿蘇」等等。不過亦有網民表示唔認同佢所講嘅嘢，例如「告阻街？搞錯，我支持你啊，小店應該鍾意擺邊就擺邊，擺埋出馬路都仲得啊，最衰就係政府，咩行人路馬路鋪位，多餘；但如果成功揾到錢就唔同啦，係搞間鋪果個有腦同佢哋叻囉」、「點解你唔問下而家啲飲食業 乜嘢質素都下降 唔淘汰就係假」、「錯重點！是非不分！」及「間鋪細到咁,擺明只可外賣,現在霸行人路梗係告X你啦」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！