《西遊2》預告片 周星馳徐克扯貓尾:咁沙卜冇特技鏡頭

徐克同星仔現身比預告片更吸引。

【星島日報報道】周星馳與徐克聯手打造的賀歲片《西遊伏妖篇》發佈首條預告片,除了吳亦凡飾演的唐僧、林更新飾演的孫悟空等師徒造型正式曝光外,片段結尾更有星仔同徐克驚喜現身,互扯貓尾扮鬥嘴。 片尾是二人看完預告片後,星仔問:「特技鏡頭呢?」徐克答:「成套戲都冇特技鏡頭喎,你冇話要有喎!」星仔:「唔使話啦,點會冇咁沙卜啫?」徐克:「咁我係咁沙卜,一個都冇!」星仔:「我唔會相信你有咁沙卜!」徐克:「冇得相唔相信㗎喎,你睇多次啦!咁你劇本寫嚟冇特技鏡頭㗎嘛,我點會拍特技鏡頭呢?」這時星仔已掩兒搶白:「我唔睇,我唔知,我唔聽!」由得徐克自說自話,星仔仲唱埋《430穿梭機》主題曲:「一飛沖天去…」以便蓋過徐克把聲,最終徐克向人求救:「喂,佢癡咗線呀,快啲搵人嚟呀!」

睇更多