解風福岡｜杜如風風鈴祈願移情要嫁天？爆艷遇碰上「海膽鄭嘉穎」 4歲珍貴童年照曝光

有「日本旅遊達人」之稱的杜如風（Helen）本住「shopping、食好西同𥄫仔」的初心，明晚（10月1日）起痛大家《解風福岡》，節目一開始的小劇場，大玩《法證先鋒》情節頗有心思。杜如風（Helen）又貼出4歲時第一次跟父母出埠的地點，正是日本福岡，所以回憶特別多。今集Helen推介的一間水果天婦羅omakase（廚師發辦），以水果作主菜。跟周星馳經典電影《回魂夜》中，星仔點的鼓汁蒸橙、椒絲腐乳西瓜小辣兩味菜有異曲同功之效，似有向此片致敬之嫌。此間天婦羅店人氣極高，要早一個月預約，Helen品嚐後大讚說︰「士多啤梨啲汁係咁流出嚟，炸完一啲都唔乾。天婦羅橙好甜，啲核同根都挑晒，個橙仲甜過包住嘅紅豆同大福皮，呢個係咁食都唔怕熱氣。」

後晚（2日）Helen作為梁朝偉頭號粉絲，竟然在節目中移情別戀？事緣她介紹一間以青蛙作主題的寺廟，她除了踡過青蛙口轉運外，還在廟內掛風鈴祈願。願望內容被攝製隊拍下，居然寫上「我要嫁給阮經天+梁朝偉」她在節目中還得戚表示︰「已經唔算貪心，寫漏一個宋仲基，已經對佢好唔公平。」Helen接受訪問時澄清未有放棄偉仔，她笑說︰「最近迷上阮經天，睇咗佢套《周處除三害》，覺得佢演技好勁，跟住搵返佢以前啲偶像劇睇，咁就一發不可收拾。不過偉仔始終係第一位，阮經天第二位，偉仔係我殿堂級偶像。」

明晚及後晚內容話題十足，推介食玩買地方更是CP值爆燈，有「海膽控」如Helen必到的海膽涮涮鍋餐廳，除了品嚐最高級的北海道紫海膽外，她更爆料是自拍旅遊節目以來首度有艷遇，跟店內小廚神「海膽鄭嘉穎」通電，一頓飯時間就要嫁給對方，想知道詳情就要留意節目播出。除此之外，Helen會走訪高達迷不容錯過的巨型戶外高達像、CP值極高的人氣壽司店；165港元就可以食到鮑魚、海膽及拖羅等名貴食材。她更會拋身出來玩遊戲，洩露出三樣缺點，包括︰跑得慢、唔夠快及無速度。