本月優惠大集合 港、台、泰特色火鍋55折起 外賣自取全單76折

出街食飯點先最抵？即刻跟實每月至抵優惠book枱食飯、用抵食餐飲券堂食/外賣自取，就可以擸盡著數啦！

外賣自取服務令開餐變得更加方便，預先落定單，夾啱自己開餐時間去拎外賣就得～今期外賣自取服務推出外賣自取狂歡慶典，有星馬菜、人氣燒鵝店、咖啡館、上海菜及燒肉，睇吓邊間啱你食！

坡椰坡囉咪 （灣仔） 指定食品76折

位於灣仔、價錢親民嘅星馬菜餐廳～招牌菜有三款，分別係海南雞飯、馬拉肉骨茶套餐及厚切豬扒咖喱飯。海南雞飯肉質嫩滑有雞味，油飯味道香濃粒粒分明，點埋秘製蔥油食真係無得輸呀。肉骨茶藥材味濃郁，叫個餐有飯有肉仲有油炸鬼同油菜，好抵食！厚切豬扒咖喱飯配上濃郁嘅咖喱汁，香濃又不太辣，豬扒煎得香一香，厚切又爽口。

香港冰皮燒鵝 （將軍澳） 全單76折

咩係冰皮燒鵝？呢間燒鵝專門店用上獨特嘅方法去製作燒鵝，使用大量冰湯粒冷卻燒鵝外皮，烘乾後再以人手塗上秘製醬料，放入燒爐中以高溫燒熟。咁樣整出嚟嘅燒鵝皮脆如冰，肉質又嫩滑，未食過嘅朋友真係值得買嚟試吓～除咗王牌冰皮燒鵝，仲有其他燒味同滷水等供應，午市嘅一人飯餐折後$40就食到啦！

牧羊少年咖啡館 （全線分店） 指定食品76折

一間以旅遊為主題嘅咖啡店，相信文青們都對佢唔陌生。於港九新界都有分店，好方便。食物方面主要供應西式美食，鮮忌廉野菌煙三文魚意大利粉，煙三文魚鹹香，意粉有咬口，配埋creamy嘅醬汁好夾。另外鮮忌廉黑松露醬雜菌意粉都唔錯，一入口係滿滿黑松露香氣。不過留意返每間分店供應嘅意粉種類同埋午市及晚市價錢會稍有不同。

皇小館拉麵小籠包 （荃灣） 指定食品76折

荃灣新開foodcourt入面嘅上海菜小店，性價比好高質素又唔錯。推介紅燒牛腩配飯，牛腩炆得入味軟腍，微辣惹味，入面仲有入晒味嘅蘿蔔同埋溏心蛋，連埋醬汁送飯一流。四川擔擔雲吞拉麵都推介，湯式香濃而不膩，帶點杰身所以麵好掛湯，雲吞粒粒都大隻又飽滿。另外蘭州牛𦟌拉麵同紅油抄手都值得一試。

一焼肉 （九龍灣） 指定食品76折

日式自助燒肉店，佢哋外賣自取都有供應日式燒肉便當，啱晒喺九龍灣返工嘅朋友！厚切蘭國豚五花配溫泉玉子定食，五花腩肥瘦適中，加埋厚切一入口滿滿油脂，拌埋流心溫泉玉子真係無得輸～鍾意牛舌嘅朋友就要食大蔥塩燒牛舌定食，牛舌爽口充滿牛味，配埋大蔥同鹽呢啲簡單調味已經好好食。

買開外賣嘅可用呢個外賣自取狂歡慶典優惠，逢星期二及四輸入優惠碼「EAT24」，消費滿$100，額外減$24。其他日子則可以使用優惠碼「EAT10」，消費滿$50，額外減$10。

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！

仲等？(按此立即落單)

EAT10: https://www.openrice.com/info/takeaway/tc-EAT10.html

EAT24: https://www.openrice.com/info/takeaway/tc-EAT24.html

聚餐精打細算啲，分分鐘可以試多幾間餐廳，今期精選推介有6折起嘅特色火鍋放題、秋日自助餐、新派中菜，啱你口味就咪錯過喇～

㷫烚烚（旺角）無限時任飲任食火鍋 6折起

旺角一間開業無耐嘅火鍋店，佢嘅放題套餐包括5大元素，有前菜、火焰雞煲、海鮮拼盤、任食港式火鍋同甜品，款式多元化。其中海鮮拼盤可以試到蟶子、貴妃蚌、扇貝等5款海鮮。另外火鍋湯底推介風味獨特嘅泰式酸辣椰奶雞湯、啤酒冬蔭功湯，想清爽啲則有蝦滑烚烚蜆煲，照顧唔同口味嘅朋友。

6折起餐飲券：（按此）

泰金鍋（旺角）泰式火鍋放題 66折起

有得食又有得玩～呢間泰式火鍋放題餐廳設有蝦池，大家可以即捕海蝦、扇貝等活海鮮；另外按套餐配以各種高質靚牛，如牛板腱、牛小排等，一次過滿足海鮮控同牛肉控！招牌湯底必試泰金冬蔭功鍋，如果怕太辣，則有輕辣口味嘅檸檬香茅雞鍋、馬來娘惹叻沙鍋，以及其他亞洲風味湯底，總有一款啱你心水。

66折起餐飲券：（按此）

FEAST (Food By EAST)（太古）成人自助晚餐 73折起

自助餐包括中、西、日等多國料理，最啱有選擇困難嘅朋友～呢間酒店嘅自助晚餐有生蠔、長腳蟹等冷盤；而即製任食熱盤則有烤美國肉眼扒、焗龍蝦甲羅燒等選擇。嚟緊指定日子嘅「秋日嚐味成人自助晚餐」會送每位食客大閘蟹同薑茶一份𠻹，鍾意食大閘蟹嘅朋友記得揀啱適用嘅餐飲券呀。

73折起餐飲券：（按此）

龍莊（太古）2人/4人精選套餐 74折起

點心專門店旗下嘅新派中菜餐廳，無論點心定係小菜都別具特色，好似色彩豐富嘅龍餃子、開胃嘅意式醋香骨等；另外懷舊漁鄉馬友煎藕餅、沙薑雞等亦有供應，一家大細都啱食。餐廳特設2人/4人精選套餐優惠，撐枱腳或一家人齊齊嘆都得。

74折起餐飲券：（按此）

更多餐飲券優惠：（按此）

預早訂座可以慳返等位嘅時間外，重可以有額外訂座優惠！今個月為大家精選幾間激抵優惠，有5折起嘅日式料理、燒肉、精緻西餐等，睇啱，撳個掣就可以訂座喇～

浪．居酒屋（銅鑼灣）單點餐牌 5折

居酒屋氣氛輕鬆，傾偈大聲少少都唔怕，好啱約埋一班朋友聚餐。呢間坐落銅鑼灣嘅居酒屋交通方便，食物款式多元化，如原條鰻魚丼、沖蠅胡麻蟹肉冷麵、三文魚拖羅蓉薄脆壽司等，用料十足又新鮮。而家訂座享有壽司、刺身8折外，其他單點菜式都有5折（飲品除外）！

5折訂座優惠：（按此）

上村牧場（銅鑼灣） 指定下午茶時段 第2位半價

和牛控出動喇～日本過江龍和牛燒肉放題店，主打由鹿兒島自家牧場提供嘅A4級或以上高質黑毛和牛「薩摩牛」。其中「薩摩牛饗宴套餐」以薩摩牛供應牛五花、壽喜燒、炙燒壽司等款式，另有多款魚/貝類壽司、甜品等合共170款任食食品，夠晒豐富。而家指定下午茶時段享用「薩摩牛饗宴套餐」同「澳洲和牛燒肉套餐」，同行第2位可享半價優惠。

第2位半價訂座優惠：（按此）

鼎王麻辣鍋（尖沙咀）指定單點食品 55折

講到台式火鍋，當然唔少得麻辣鴨血湯底。呢間台灣過江龍嘅招牌麻辣鴨血鍋，可以無限添加Q彈嘅鴨血，而干貝滑、滷牛筋、蛋餃等特色火鍋配料都值得一試。而家唔同時段嘅單點食品（牛拼盤、飲品除外）都有優惠，最抵有55折呀！

55折訂座優惠：（按此）

The Tai Pan（中環） 晚市單點食品餐牌 6折

位於香港公園對面嘅酒店西餐廳，採用落地玻璃、酒紅色皮椅等摩登設計，環境優雅，氣氛浪漫，好啱約會或慶祝重要日子。餐廳以時令有機食材炮製菜式，好似招牌牛肉就選用澳洲昆士蘭山谷農場獨家供應畀酒店嘅精選牛肉，入口香軟味濃，今個月訂座即享晚市單點菜式6折，牛魔王不妨趁機試下～

6折訂座優惠：（按此）

第三站（旺角）單點餐牌 5折

Casual聚餐，親民價西式cafe係唔錯嘅選擇，而呢間cafe會提供多款board game，又有VIP房，適合唔同人數嘅聚會同party。菜式以大眾化口味為主，包括西、港、日式等選擇，如蜜糖芥末單骨雞翼、煙三文魚忌廉蕃茄醬扁意粉，配花茶、奶昔等特飲都好夾。餐廳唔同時段都設有單點食品優惠，最平5折就食到～

5折訂座優惠：（按此）

更多網上訂座優惠餐廳：（按此）