話時話：未紅先驕？電視台力數吳瑾言三宗罪

《延禧攻略》第70集大結局，前晚係內地網站已經播出，有人表示成套劇都好精彩，所以會重頭到尾睇多次。而劇中不少角色都因此而走紅，尤其係飾演女主角嘅大陸演員吳謹言，但人紅自然是非多，《中國電影報道》今日凌晨喺官方微博貼文，力數吳瑾言三宗罪，文中指電視台原本約咗吳瑾言係今個月25日接受訪問，第一宗罪係臨時要更換採訪地點，當團隊趕到新地點準備訪問時，先發現原來吳瑾言團體無同場地傾好，第二宗罪係反過嚟要求電視台畀場地費，之後仲話吳謹言重有其他工作，第三宗罪係受訪時間不夠。

有見及此，吳謹言經理人公司今早發道歉聲明，「在藝人管理工作上，時間協調不明、外部溝通不清，造成媒體朋友工作上困擾、產生誤解，對於此次嚴重失職深感慚愧，公司內部已嚴重警示此次事件的相關人員。」吳謹言亦有轉發公司嘅道歉聲明，並表示：「我和團隊向《中國電影報導》節目組誠懇致歉，對不起！希望自己成長中的每一步都有媒體和大眾的監督。」

所謂發財要立品，唔少人一朝得志就會被名利衝昏頭腦，不單止忘本，就連行為都同以往不同，好似以下呢幾個行為絕對要不得。

有錢話晒事
好多人認為有錢有得話事，當一個人賺多少少，就會意見多多，要所有人都要聽從自己的說話，妻兒是也，朋友是也。

句句講錢
唔好以為賺多少少的人唔計較錢，佢地會無時無刻以自己為成功例子，開口埋口都講錢，講到自己賺好多。

炫富
呢類人唔識低調，終日係社交平台炫富，又車又樓又名牌，仿佛要全世界都知道佢脫離貧窮層。

唔識人
對於以前的朋友，佢會以高姿態咁出現，最興講一句「錢咋嘛，我又唔係搵唔到」聽到呢句的話，你就知佢中毒太深。

相片來源：吳謹言 、中國電影報導 @weibo